close
Եղանակը Երևանում
19 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
19 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գումարներ կան, բայց կառավարությունն ուզում է պարգևավճարների, ավտոպարկի թարմացման վրա ծախսել, բայց ոչ` սոցիալապես խոցելի խմբերի. տնտեսագետ

Քաղաքական

6 Հուլիսի 2022, 20:54
 Գումարներ կան, բայց կառավարությունն ուզում է պարգևավճարների, ավտոպարկի թարմացման վրա ծախսել, բայց ոչ` սոցիալապես խոցելի խմբերի. տնտեսագետ

Արդեն 1,5 տարի բարձր գնաճային ֆոն ունենք տնտեսությունում, և շատ կարևոր է, որ պետությունը թեթևացնի սոցիալապես խոցելի խավերի բեռը, որովհետև գաղտնիք չէ, որ առաջին անհրաժեշտության ապրանքների գների բարձրացնումը հարվածում է հենց այդ խմբերին. Սարյանի արձանի պուրակում «Դիմադրություն» շարժման կազմակերպած` «Սոցիալական խորացող ճգնաժամ. կեղծ խոստումներ, իրական փաստեր» թեմայով քննարկման ժամանակ ասաց տնտեսագետ Կառլեն Խաչատրյանը:

«Պետությունը հսկայական անելիք ուներ, հիմնական գործիքն էլ պետական բյուջեն է, որը պլանավորելիս, անշուշտ, պետք է հաշվի առնվեին գնաճային միտումները, որոնք առկա էին տնտեսությունում ու մի քանի ամիս չէ, որ գլուխ էին բարձրացնում»,- ասաց նա`հավելելով, որ 2022-ի բյուջետային քաղաքականության մեջ ակնհայտ անհամապատասխանություններ կան:

Ներկայացնելով դրանք ու վերլուծելով` տնտեսագետը հայտարարեց, որ բոլոր հիմնավորումները, թե փող չկա, բյուջետային միջոցները սուղ են, որևէ քննադատության չեն ենթարկվում:

«Ավելին` այդ գումարները կան, բայց կառավարությունն ուզում է դրանք իր հայեցողությամբ ընթացիկ ծախսերի, պարգևավճարների, ավտոպարկի թարմացման կամ նմանատիպ այլ ծախսերի ուղղել, բայց ոչ` սոցիալապես խոցելի խմբերին»,- նշեց Կառլեն Խաչատրյանը:

Մանրամասն` տեսանյութում:

Այս բաժնի այլ նորությունները
Ամենաշատ ընթերցվածները
Yandex.Metrica