«Դիմադրություն» շարժման գրագետ պայքարի արդյունքում գնդակը Նիկոլի արևմուտքցի գործընկերների խաղադաշտում է. դիտարկում

Հասարակություն

6 Հուլիսի 2022, 13:48

«Դիմադրություն» շարժման գրագետ պայքարի արդյունքում գնդակը Նիկոլի արևմուտքցի գործընկերների խաղադաշտում է. դիտարկում

Համառոտ Իշխան Սաղաթելյանի եվրոպական այցերի, իշխանության տակտիկական սխալի ու սպասվող արդյունքի մասին

--------------------------------------------

Ընկեր Իշխան Սաղաթելյանը կարևոր հանդիպումներ է անցկացնում Եվրոպայում:

Հիմա կարելի է հասկանալ, թե ինչո՞ւ ՔՊ-ականները ափալ-թափալ որոշեցին նրան զրկել ԱԺ-ի 3-րդ փոխխոսնակի պաշտոնից:

Բնական է, որ նման մակարդակի հանդիպումները մեկ օր առաջ չէ, որ կազմակերպվում է ու հնարավոր է ՔՊ-ականներն այդ մասին տեղյակ լինելով իբր չեղարկելու համար այդ հանդիպումները որոշեցին շտապով գնալ ծիծաղելի ու անիմաստ քայլի, որն իրենց տվեց ոչինչ, բայց ընդդիմությանը՝ շատ բան:

ՔՊ-ականներն իրենց տակտիկական սխալով օգնեցին, որ «ԱԺ 3-րդ փոխխոսնակ»-ի հետ եվրոպացիների հանդիպումը վերածվի «Ընդդիմության փաստացի առաջնորդ»-ի հետ հանդիպման ու դրա համար, կարծում եմ, պիտի շնորհակալություն հայտնել նրանց տգիտության համար:

Ինչ վերաբերում է հանդիպումների բովանդակությանը մի բան կարելի է հստակ ասել, որի մասին արդեն խոսել եմ իմ վերջին լայվում:

Եվրոպան կամ ավելի ճիշտ արևմուտքը նիկոլի դիմաց պահանջ է դրել ամեն գնով վերականգնել ԱԺ-ի բնականոն ընթացքը, այլ խոսքով ընդդիմությանը վերադարձնել խորհրդարան:

Ընկեր Իշխան Սաղաթելյանի այցն ում նախաձեռնությամբ էլ որ կայացած լինի որևէ նշանակություն չունի:

Կարծում եմ հանդիպումների ժամանակ Հայաստանի ընդդիմության առաջնորդը եվրոպացի գործընկերներին բացատրելու է, թե ե՞րբ ու ի՞նչ օրակարգով է ընդդիմությունը վերադառնալու խորհրդարան:

«Դիմադրության» շարժման գրագետ պայքարի արդյունքում հիմա գնդակը նիկոլի արևմուտքցի գործընկերների խաղադաշտում է:

Կամ նրանք դադարեցնում են նիկոլին ցուցաբերվող աջակցությունն ու նրան համոզում են ենթարկվել ընդդիմության պահանջներին (հանձնել իշխանությունը) կամ մոտ ապագայում պարտավորվելու են հստակ գնահատական հնչեցնել խորհրդարանական համակարգում միակուսակցական-բռնապետական ձևաչափով աշխատող Հայաստանի ներկա խորհրդարանի ու նրանից բխած իշխանության ոչ-լեգիտիմության մասին:

Արևմուտքը բոլորից ավելի լավ է գիտակցում, որ նման ձևաչափով աշխատող խորհրդարանի կողմից մոտ ապագայում սահմանագծման ու սահամանազատման ու դրանից հետո նաև խաղաղության համաձայնագրի վավերացումը ոչ մի արժեք չի ներկայացնելու:

Հետևաբար, ամեն ինչ ճիշտ հունով է ընթանում ու վերջնական հաղթանակը սպասվածից շատ ավելի շուտ է լինելու:

Ռոբերտ Մարգարյան

Այս թեմայով նորություններ

17 Հուլիսի 2022, 12:35Նիկոլի հերթական վտանգավոր արկածախնդրությունը

12 Հուլիսի 2022, 09:55Մի ամբողջ ժողովրդի ոչխարի տեղ դրած սույն անձը լավ կանի` նշի այդ «երրորդ» երկրներից գոնե մեկի անունը. արձագանք՝ ԱԽՔ֊ի հայտարարությանը

4 Հուլիսի 2022, 21:02Դավաճան իշխանությունների ու նրանց թրքաբարո գործակատարի «տքնաջան» աշխատանքը տվել է սպասված արդյունք

15 Մայիսի 2022, 13:03Սփիւռքի գլխաւոր «Յանձնակատար»ի նոր յանձնարարութիւնը

14 Մայիսի 2022, 23:56Ոչ դավաճան հողատուն ոչ էլ քաղաքական տրյապկան չհասկացան գաղտնիքը. դիտարկում

25 Մարտի 2022, 21:36Ադրբեջանի հաջորղ թիրախը լինելու է Լաչինի միջանցքը

10 Մարտի 2022, 20:15Կապիտուլյանտը կրկին ստում է. ի՞նչ է արձանագրում հիշյալ զեկույցը. իրավաբանի բացահայտումը

24 Փետրվարի 2022, 23:16ԱՄՆ-ն որևէ զորուժ չի գործուղի Ուկրաինա ու չի բախվելու ՌԴ֊ի հետ. Բայդենի ելույթից կարևոր հատվածներ

10 Փետրվարի 2022, 10:3230-ամյա դիվանագիտական հարաբերություններ, չհղված ուղերձներ և...