close
Եղանակը Երևանում
20 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
20 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արցախի ԱԺ նախագահը խորհրդակցություն է հրավիրել

Արցախ

29 Հունիսի 2022, 13:52
 Արցախի ԱԺ նախագահը խորհրդակցություն է հրավիրել

Հունիսի 29-ին ԱՀ Ազգային ժողովի նախագահ Արթուր Թովմասյանը հրավիրել է աշխատանքային խորհրդակցություն։ Ներկա էին մշտական հանձնաժողովների նախագահները, խմբակցությունների  ղեկավարները և աշխատակազմի պատասխանատուները։

Արցախի ԱԺ-ից  հայտնում են, որ քննարկվել են հունիսի 30-ին կայանալիք ԱԺ  հերթական նիստի օրակարգի հարցերը։

Ազգային ժողովի 7-րդ գումարման 5-րդ նստաշրջանի օրակարգի պարտադիր քննարկման ենթակա հարցերից  հունիսի 30-ին գումարվող նիստի օրակարգում ներառվել են Արցախի Հանրապետության նախագահի 2021 թվականի գործունեության միջոցառումների ծրագրի ընթացքի, արդյունքների և 2022 թվականի գործունեության միջոցառումների ծրագրի վերաբերյալ հաղորդումը և Արցախի Հանրապետության 2021 թվականի պետական բյուջեի կատարման մասին հաշվետվությունը։

Նիստի օրակարգում ընդգրկվել են նաև գլխադասային հանձնաժողովի կողմից դրական եզրակացություն  ներկայացրած 2 տասնյակից ավելի օրենքների նախագծեր։

Նիստը կամփոփվի ԱՀ նախագահին և Կառավարության անդամներին ուղղված հարցերով  ու պատգամավորական հայտարարություններով։

Խորհրդակցության ավարտին Ազգային ժողովի նախագահ Արթուր Թովմասյանը հայտարարել է, որ հունիսի 30-ին՝ ժամը 11։00-ին, տեղի կունենա ԱՀ ԱԺ հերթական նիստը։

Այս բաժնի այլ նորությունները
Ամենաշատ ընթերցվածները
Yandex.Metrica