close
Եղանակը Երևանում
14 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
14 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ղարիբաշվիլին նշել է, որ ԵՄ-ում Վրաստանի ձախողման պատճառը Սահակաշվիլին և Արախամիան են

Տարածաշրջան

23 Հունիսի 2022, 13:19
 Ղարիբաշվիլին նշել է, որ ԵՄ-ում Վրաստանի ձախողման պատճառը Սահակաշվիլին և Արախամիան են

Եվրահանձնաժողովի որոշումը՝ խորհուրդ չտալ ԵՄ խորհրդին՝ Վրաստանին ԵՄ անդամի թեկնածուի կարգավիճակ տրամադրել, առիթ դարձավ ոչ միայն ներքաղաքական առճակատման նոր ալիքի, այլև Թբիլիսիի և Կիևի միջև հերթական հակամարտության։

«Գլխավոր նախաձեռնողներից մեկը, որը Եվրոպայում և Ամերիկայում համառորեն պահանջում էր Վրաստանին թեկնածուի կարգավիճակ չտրամադրել, Ուկրաինայի իշխանությունների ներկայացուցիչ պարոն Արախամիան էր (իշխող «Ժողովրդի ծառա» խմբակցության ղեկավար)։ Ես այդ մասին գիտեմ իմ ամերիկացի և եվրոպացի գործընկերներից ու ընկերներից»,- խորհրդարանում հայտարարել է Վրաստանի վարչապետ Իրակլի Ղարիբաշվիլին:

Կառավարության ղեկավարի խոսքով՝ Եվրոպային գործնականում վերջնագիր է ներկայացվել, որ եթե Վրաստանը ստանա ԵՄ անդամակցության թեկնածուի կարգավիճակ, դա իրենց «շատ կնեղացնի»։

«Մենք հրապարակայնորեն լսեցինք, որ վրացական ազգանունով պարոն Արախամիան հանդես եկավ խայտառակ մեղադրանքներով։ Մեղադրանքներ լսեցինք, թե իբր կառավարությունը հրահանգներ է տալիս հատուկ ծառայություններին և օգնում Ռուսաստանի պատժամիջոցների տակ գտնվող ընկերություններին։ Մինչ օրս ոչ մի փաստ չի ներկայացվել։ Սա թշնամանք է երկրի նկատմամբ։ Ո՞ւր մնաց ձեր հայրենասիրությունը: Կարծում եմ, որ մեր երկրի քաղաքացիների մեծ մասի համար ամեն ինչ պարզ է»,- ասել է Վրաստանի վարչապետը։

Մեկնաբանելով Վրաստանի վարչապետի հայտարարությունը, Ուկրաինայի Գերագույն ռադայի պատգամավոր, «Ժողովրդի ծառա» խմբակցության ղեկավար Դավիթ Արախամիան ասել է, որ ինքը «երբեք չի եղել» Եվրոպայում։

Հիշեցնենք, որ ԵՄ-ն հայտարարել էր, որ Մոլդովան և Ուկրաինան ավելի մեծ շանս ունեն ԵՄ անդամի կարգավիճակ ստանալու, քան Վրաստանը` «ոչ բավարար ժողովրդավարության» պատճառով:


Այս բաժնի այլ նորությունները
Ամենաշատ ընթերցվածները
Yandex.Metrica