close
Եղանակը Երևանում
26 Հունիսի 2022
+16°
+27°Ցերեկ
+15°Գիշեր
weather
close
Փոխարժեք
26 Հնս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կը վերանորոգենք անձնուէր ծառայութեան մեր կատարած ուխտը. Համազգայինի ԿՎ ատենապետ

Հասարակություն

25 Մայիսի 2022, 18:28
 Կը վերանորոգենք անձնուէր ծառայութեան մեր կատարած ուխտը. Համազգայինի ԿՎ ատենապետ

Yerkir.am-ը ներկայացնում է Համազգայինի Կենտրոնական վարչության ատենապետ Մկրտիչ Մկրտչյանի խոսքը, հնչեցված Եռաբլուր պանթեոնում:

Հիշեցնենք՝ Մայիսի 25-ին Երեւանում մեկնարկեց Համազգային Հայ Կրթական և Մշակութային միության 9-րդ պատգամավորական ժողովը։ Ժողովի մեկնարկը տրվեց «Եռաբլուր» զինվորական պանթեոն այցելությամբ, որտեղ հարգանքի տուրք մատուցվեց Արցախյան 44-օրյա պատերազմում անմահացած հերոսների հիշատակին։

Համազգայինի 9որդ Պատգամաւորական ժողովի ընկեր-ընկերուհիներ,

Վերջին երկու տասնամեակներուն սովորութիւն եղած է Համազգայինի Պատգամաւորական ժողովները սկսիլ հանդիսաւոր կերպով, ա՛յդ ձեւով աւետելով յաջողութիւն խոստացող ուրախ քառամեակի մը սկիզբը: Այսօր սկսող քառամեակի սեմին կարելի չէ ընկալեալ ձեւով դիմաւորել մեր ժողովով կայաանալիք նոր որոշումներու գործադրութեան մեկնարկը: Վերջին ժամանակներու եղելութիւններէն ետք կարիք կայ քանի մը վայրկեան խոկալու վերջին տարիներուն հայութեան ապրած նոր ողբերգութեան մասին, անոր պատճառներուն, բայց մանաւանդ՝ անոր հեռահաս ազդեցութիւններուն մասին: Ամբողջական ըլլալու համար ատիկա կարիքը ունի համեմատաբար երկար ժամանակի՝ անհատական թէ հաւաքական զոյգ գետիններուն վրայ: Առաջին հերթին, սակայն, մեր միտքը կ'երթայ մեր բիւրաւոր նահատակներուն, որոնք հերոսաբար ինկան պաշտպանելով համայն հայութեան հայրենիքը՝ Հայաստանն ու Արցախը:

Առհասարակ բոլոր ննջեցեալներու, բայց մանաւանդ հասարակաց անվտանգութեան ի խնդիր զոհաբերուած կեանքերուն համար անհատ ու հաւաքականութիւն կը զգան բացառիկ ցաւ ու բացառիկ յարգանք, որ այլ հասարակութիւններու մօտ աւելի հազուադէպ է: Հայութիւնը ամէն մեծ հաւաքական ուրախութենէ ետք օր ու ժամանակ կը յատկացնէ յիշելու եւ փառաբանելու իր կորուսեալ կեանքերն ու ճակատագրերը:

Այսպիսի մշակոյթ կը յատկանշէ ազնիւ հոգիները. իրենց բարոյական, գաղափարական, նիւթական ու այլ առաւելութիւններ ընծայած էակներու հանդէպ խորունկ երախտագիտութեան զգացումներու շեշտուած արտայայտութիւնը հայկական յատկդանիշ է. մահը կեանքի հակադրութիւնը ըլլալով հանդերձ, անոր անքակտելիօրէն կապուած է եւ զայն աւելիով իմաստաւորողն է: Իսկ իմացեա՛լ մահը նոյն բնական երեւոյթին ծայրահեղ ազնուացումն է. մահ՝ որ այլոց կեանքը կարելի կը դարձնէ շեշտելով անոր հասարակական կարեւորութիւնը:

Մեր մօտ հաւաքականութեան սիրոյն նահատակութեան փառաբանումը կեանք արտօնող ու արտադրող ազդակ ըլլալու կողքին՝ նաեւ ներկան ու ապագան անցեալին կապող շղթային օղակն է, որ համաչափ կերպով տեղափոխուելով ժամանակի գիծին վրայ, անոր թաւալումով կ'երաշխաւորէ մեր տեսակի յաւիտենականութիւնը: Եռաբլուրը մահաստան է, բայց միաժամանակ կեանքի վերանորոգման աղբիւր է: Ափսոսանքի պահեր ապրելու վայր է, որոնց յաճախ կը յաջորդէ աւելի լաւ օրեր ապրելու յոյսը:

Համազգայինը հայ կրթութեան ու մշակոյթին նուիրուած կամաւորներու փաղանգ է: Անոր Պատգամաւորական ժողովը Միութեան կամքի գերագոյն արտայայտիչն է: Խոնարհելով այս եւ ասոր նման սրբավայրերու հազարաւոր շիրիմներուն առջեւ հանդիսաւոր կերպով կը վերանորոգենք անձնուէր ծառայութեան մեր կատարած ուխտը:

Մեր նահատակները, որոնց կարգին 44օրեայ պատերազմի առաջին օրերուն մեզմէ ֆիզիքապէս հեռացած համազգայնական ընկեր Գէորգ Հաճեանը, մեզի հետ են յաւելեալ խորք ու իմաստ տալով մեր ճիգին:

Մկրտիչ Մկրտիչեան

Եռաբլուր, 25 մայիս 2022   

Ամենաշատ ընթերցվածները
Yandex.Metrica