Բրյուսել․ կապիտուլյացիայի նոր նշաձող․ Լիլիթ Գալստյան

Հասարակություն

23 Մայիսի 2022, 15:57

Բրյուսել․ կապիտուլյացիայի նոր նշաձող․ Լիլիթ Գալստյան

ԵԽ նախագահ Շառլ Միշելի՝ Փաշինյան-Ալիեւ հանդիպումից հետո կատարած հայտարարությունը ոչ միայն Արցախի հիմնահարցի վերջնական թաղման, այլև Հայաստանի կազմաքանդման և պետականության վերջնական կապիտուլյացիայի մասին է։

Ըստ էության․

1․ Ոչ մի խոսք արդեն մեկ տարի շարունակվող ադրբեջանական ագրեսիայի՝ Հայաստանի տարածքային ամբողջականության խաթարման և ադրբեջաբական զորամիավորումների ներկայության մասին։

2․ Ոչ մի խոսք գերիների վերադարձի մասին։

3․ Ոչ մի խոսք Լեռնային Ղարաբաղի ինքնորոշման իրավունքի, կարգավիճակի մասին․ հիմնահարցի տոտալ ուրացում և փակում։ Արցախի հիմնախնդրի կարգավորումն իջեցվել է <> մակարդակի, որոնք կապված են Ղարաբաղի՝ ազգությամբ հայ բնակչության անվտանգության եւ իրավունքների հետ /այսինքն, եթե հայ մնա՝ դասագիրք, պարախումբ, պատի թերթ․․․/

4․ Պարտադրվում է սահմանազատման արագ ընթացակարգ, որն ուղղված է Հայաստանից տարածքներ պոկելուն, Արցախն Ադրբեջանին թողնելուն, Ադրբեջանի տարածքային ամբողջականության ճանաչմանը։

5. Կոմունիկացիաներ կետի տակ հստակ է, որ Հայաստանն արձանագրելու է տարածքային, ավելի շատ ինքնիշխանության նոր կորուստներ։ Ադրբեջանն ու Թուրքիան տրանսպորտային թրատման են ենթարկելու Հայաստանը, որը նշանակում է, որ սահմանափակվելու է Հայաստանով մեր ազատ տեղաշարժը։ Սա հայաթափման և անվտանգային աներևակայելի սպառնալիք է։

6. Խաղաղության համաձայնագիր. Բնականաբար, սա արդեն վերջնագծվել է, և այն ազդարարելու է Հայաստանի վերջնական կապիտուլյացիան։ Մի բան, ինչի համար <> անգլոսաքսական պրոյեկտը 2018-ին Հայաստանում իշխանության բերեց այս ազգակործան պատուհասին։

7. Այս ամենին զուգահեռ ընթանում են Ռուբինյան-Քըլըչ բանակցությունները, որոնք իրենց հերթին նպաստում են Հայաստանի քաղաքական նոքդաունին։

8․ Սոցիալ-տնտեսական զարգացման ԵՄ խոստումները մոտավորապես համարժեք են Աֆղանստանում և արաբական աշխարհում ԱՄՆ -ի կողմից հաստատվող ժողովրդավարությանը։

Ձեր խորհուրդները մեր կործանման գինն ունեցան։

Եվ մինչ վիրտուոզորեն ընտրված մի ստոր կտոր-կտոր վաճառում է մեր պետականությունն ու երկիրն էլ հետը, ոմանք շարունակում են դեռևս իրենց պատկանող բնակարանում սուրճ խմել՝ չհավանելով ասենք Իշխանի ձայնը, Վանեցյանի սանրվածքը, Աշոտյանի մարզաշապիկի գույնը, իմ մարզական կոշիկները, հրապարակից հնչող <>երգի մշակումը կամ խարույկներից բարձրացող ծուխը։

Դատաստան կա, կա դատաստան!!!!!

Լիլիթ Գալստյան

ՀՀ ԱԺ «Հայաստան» խմբակցության պատգամավոր

Այս թեմայով նորություններ

24 Հունիսի 2022, 14:52Անբարոյականության և ստի բոլոր հնարավոր սահմանները ոչնչացված են․ Լիլիթ Գալստյան

16 Հունիսի 2022, 21:39Իշխանությունն ինքը խոստովանեց, որ խաղաղությունը կեղծ օրակարգ է. Լիլիթ Գալստյան

16 Հունիսի 2022, 15:00Նիկոլը «ավետիս» ուներ հայ ժողովրդին` «ոչ մի երաշխիք չկա, որ պատերազմ չի լինի». Լիլիթ Գալստյան

15 Հունիսի 2022, 16:04Մենք պետք է շարունակենք միջազգային կառույցների հետ աշխատել, պնդել մեր իրավունքները. Լիլիթ Գալստյան

11 Հունիսի 2022, 16:13Ամբողջովին հակասում են լրատվամիջոցների և լրագրողների էթիկայի սկզբունքներին․ Free News-ին ուղղված դիտորդ մարմնի եզրակացութունը

9 Հունիսի 2022, 17:37Ինձ վաղուց չի զարմացնում նիկոլ-շիդարի էությունը․ Լիլիթ Գալստյան

5 Հունիսի 2022, 17:24Միևնույն է՝ քո փչացած նռնակների վնգստոցից մեր կամքը չի նվաղում, և մենք էլի եկանք. Լիլիթ Գալստյան

31 Մայիսի 2022, 13:22Պետական բոլոր հաստատություններում աշխատակիցներին տեռորի են ենթարկում. Լիլիթ Գալստյան