close
Եղանակը Երևանում
26 Հունիսի 2022
+16°
+27°Ցերեկ
+15°Գիշեր
weather
close
Փոխարժեք
26 Հնս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Տարիքս 10 տարի իջեցրի, որ տանեն վերջին պատերազմը՝ երիտասարդների կողքին կկանգնեմ մինչև կյանքիս վերջ․ Գեորգի Արիստակեսյան

Քաղաքական

17 Մայիսի 2022, 19:40
 ՏԵՍԱՆՅՈՒԹ․ Տարիքս 10 տարի իջեցրի, որ տանեն վերջին պատերազմը՝ երիտասարդների կողքին կկանգնեմ մինչև կյանքիս վերջ․ Գեորգի Արիստակեսյան

Ֆրանսիայի հրապարակում «Դիմադրություն» շարժման հանրահավաքի հարթակից այսօր խոսեց նաև Արցախյան 3 պատերազմների մասնակից, ՀՅԴ Աջափնյակի կոմիտեության անդամ Գեորգի Արիստակեսյանը, որին ոստիկաններն առևանգել էին ավտոերթի ժամանակ հեծանիվի վրայից ու, բռնություն գործադրելով 70-նն անց մարդու հանդեպ, ապօրինի բերման էին ենթարկել՝ հայտնում է Yerkir.am-ը։

Գեորգի Արիստակեսյանն ասաց՝ երիտասարդների կողքին կկանգնի մինչև իր կյանքի վերջը, որպեսզի նրանց քթից արյուն չգա։

«Բոլորիս հպարտությունն է, որ ունենք այսպիսի երիտասարդություն։ Ես շատ եմ տխրում, որ 2022 թ-ին Հայաստանում այս շարժումն ենք անում։ Սովորական հանքափորի ընտանիքում եմ մեծացել, հայրենասիրությունը մորս արգանդից եմ ժառանգել։ 1990 թ-ին կամավորագրվեցի՝ դեռ բանակ չունեինք, այնուհետև ՀՅԴ Շուշիի առանձնակի գումարտակում էի, հետո Ապրիլյան պատերազմ և վերջապես վերջին պատերազմ․ կասկածում էի, որ չեն տանի՝ ստիպված եղա տարիքս 10 տարով իջեցնել՝ խաբել, որ տանեն»,-ասաց ազատամարտիկը։

Նա նաև պատմեց, որ 44-օրյա պատերազմի ժամանակ դիրքերում ասում էր՝ տղաներ ջան, դուք մեր ազգի Սուրբ Սարգիսն եք, ամբողջ աշխարհի հայությունը ձեզ է նայում, շատերը կուզենային այստեղ լինեին, բայց չեն կարող։

Հիշեցնենք, որ Գեորգի Արիստակեսյանին ոստիկանները խաղաղ ակցիայի վայրից առևանգել էին՝ գլխին ու փորին ոտքով հարվածներ հասցնելով։ Նա Արցախյան 3 պատերազմների կամավոր մասնակից է։

Մանրամասն՝ տեսանյութում․

Այս բաժնի այլ նորությունները
Ամենաշատ ընթերցվածները
Yandex.Metrica