close
Եղանակը Երևանում
17 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
17 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մենք մի բռունցք ենք, ուժ ենք, բայց ԱԺ շենքը գրոհելու նպատակ չունենք. Արթուր Վանեցյան

Հասարակություն

4 Մայիսի 2022, 17:40
 Մենք մի բռունցք ենք, ուժ ենք, բայց ԱԺ շենքը գրոհելու նպատակ չունենք. Արթուր Վանեցյան

Մենք շատ-շատ ենք։ Մեր պայքարը շարունակելու ենք ու անպայման հաջողություն ենք ունենալու: Այս մասին այսօր՝ մայիսի 4-ին, Ֆրանսիայի հրապարակից դեպի ԱԺ երթի մեկնարկին հայտարարեց «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը։

Իսկ մինչ այդ նա երթի մասնակիցներին հիշեցրեց, որ այսօր ԱԱԾ-ն ու ոստիկանությունը հայտարարություններ են տարածել, թե իբր պայքարի մասնակիցները պատրաստվում են գրոհել ԱԺ շենքը։

Դիմելով ԱԱԾ-ին ու ոստիկանությանը՝ Վանեցյանը հայտարարեց, որ շարունակում են խաղաղ անհնազանդության ակցիաներն այնքան ժամանակ մինչև հասնեն նպատակին։

«Հիմա երթով շարժվում ենք դեպի ԱԺ, ընթացքում լսում եք կազմակերպիչներին։ Ինքնագլուխ քայլերով փչացնելու եք պայքարը։ Շարքի դիմացից գնում է ընկեր Իշխան Սաղաթելյանը»,-ասաց Վանեցյանը։

Դրանից հետո առաջարկեց բռունցքները բարձրացնել ու հայտարարել, որ պահանջատեր են, հասնելու են իրենց նպատակին։

Երթի մեկնարկից առաջ մասնակիցները վանկարկեցին «Առանց թուրքի Հայաստան» ու  շարժվեցին դեպի խորհրդարանի շենքը «Զարթիր, Լաո» երգի ներքո։

Նշենք, որ այսօր վաղ առավոտից  քաղաքացիները կրկին կաթվածահար են արել մայրաքաղաքի մի շարք փողոցներ: Մասնավորապես՝ առավոտից փակվել են Կիեւյան կամուրջը, Հաղթանակի կամուրջը, Դավիթաշենի կամուրջը: Ոստիկանները ակցիայի մասնակիցներին բերման են ենթարկում՝ բռնի ուժ կիրառելով։ Նախօրեին ճանապարհներ են փակվել նաեւ մարզերում, մասնավորապես՝ Սեւան-Երեւան, Վանաձոր-Երեւան, Գյումրի-Երեւան, նաեւ Գորիսից Երեւան եկող ճանապարհները:

Ամենաշատ ընթերցվածները
Yandex.Metrica