Ինչու՞ էր Պուտինն իր աշխատասենյակից Քոչարյանի ներկայությամբ զանգահարել Չուբայսին

Հասարակություն

30 Մարտի 2022, 23:29

Քոչարյան-Պուտին առաջին հանդիպումը ու ինչու էր Պուտինն իր աշխատասենյակից Քոչարյանի ներկայությամբ զանգահարել Չուբայսին

Սիրելի ընկերներ, ինչպես եւ խոստացել էի՝ շարունակում եմ հրապարակել նախագահ Քոչարյանի կառավարման տարիների ուշագրավ դրվագները։ Նախորդ անգամ պատմել էի Քոչարյան-Պուտին հարաբերությունների մի բարդ դրվագի մասին, այսօր կներկայացնեմ, թե ինչպես են երկու երկրների ղեկավարների միջեւ ձեւավորվել վստահելի գործընկերային հարաբերություններ։

Քոչարյանի առաջին հանդիպումը Պուտինի հետ ՌԴ նախագահ ընտրվելուց հետո տեղի է ունեցել 2000թ․ մայիսին Մինսկում՝ ԱՊՀ գագաթնաժողովին։ Քոչարյանն իր գրքում գրում է, որ Պուտինը բոլորովին նման չէր իշխողական Ելցինին, շփման մեջ մեղմ էր, փոխվստահության վրա հիմնված, տրամադրում էր անկեղծության, ուներ լավ բանակցային ռեակցիա ու հումորի նուրբ զգացում, իրեն պարզ էր պահում, չէր պարծենում նախագահի կարգավիճակով, օգնականների հետ վերաբերվում էր ընդգծված քաղաքավարի ու ջերմ։

Ուշագրավ է հատկապես 2002թ․-ի մայիսին Կրեմլում Քոչարյան-Պուտին հանդիպումը։ Հայաստանի հետ հարաբերությունների համար պատասխանատու ՌԴ ԱԳՆ աշխատակցի՝ Պուտինի համար պատրաստած տեղեկանքի համաձայն Հայաստանում հօգուտ բրիտանացիների խորամանկությունների են գնացել։ Տեղեկանքի՝ ապատեղեկատվություն պարունակելու հանգամանքը, Քոչարյանի առաջարկությամբ, Պուտինի հետ հեռախոսազրույցում փաստում է Չուբայսը։ Զանգը Պուտինն անում է իր աշխատասենյակից՝ Քոչարյանի ներկայությամբ։ Միջադեպից հետո ապագա խնդիրներից խուսափելու համար Քոչարյանն առաջարկում է պարզել, թե որտեղից են նման տեղեկանքներ հայտնվում ՌԴ նախագահի սեղանին։

Ու այդ հանդիպումից հետո, երբ Հայաստանի վերաբերյալ ՌԴ որեւէ գերատեսչություն որեւէ զեկույց էր պատրաստում, Պուտինը դրանց քաղվածքները տալիս էր Քոչարյանին կարդալու եւ ընդգծելու համապատասխանության կամ անհամապատասխանության հարցը։

Քոչարյանն իր գրքում ընդգծում է, որ գնահատելով Պուտինի այդ վստահությունը երկար տարիներ քննարկվող ոչ մի թեմայի վերաբերյալ թույլ չի տվել աղավաղումներ, իսկ հայկական կողմի դիրքորոշումը միշտ բացատրել է հստակ, առանց գեղեցկացնելու ու գունավորելու։

Տեսանյութը ԱՊՀ գագաթնաժողովներից մեկից է՝ նախագահի կարգավիճակում Քոչարյան-Պուտին վերջին հանդիպումներից։

Ագնեսա Խամոյան

ՀՀ ԱԺ «Հայաստան» խմբակցության պատգամավոր

Այս թեմայով նորություններ

21 Հունիսի 2022, 20:00Մենք իրավունք չունենք չօգտագործել իմպիչմենտի գործիքը. Ագնեսա Խամոյան․ News.am

20 Հունիսի 2022, 15:00Տիկի՛ն դեսպան, դուք և ձեր կողքի փողոցային խուժանն այլևս նույնացել եք․ Ագնեսա Խամոյան

16 Հունիսի 2022, 20:33Օր չկա՝ Երևանի որևէ կամրջից մեկը չնետվի, վերջին 1 շաբաթվա մեջ 3-րդ ինքասպանությունը․ Ագնեսա Խամոյան

16 Հունիսի 2022, 17:31Քի Ուեսթով Ադրբեջանը Արցախը՝ Լաչինի միջանցքով, ճանաչում էր Հայաստանի մաս, ստանում ընդամենը ճանապարհ

16 Հունիսի 2022, 17:21Փաշինյանը հերթական անգամ փորձում է սնուցել այն թեզով, թե՝ խեղճ հարիֆն ինչ աներ, գցել են գրպանը. Ագնեսա Խամոյան

15 Հունիսի 2022, 20:35«Հայաստան» խմբակցության պատգամավորներն այցելել են ՔԿՀ-ներ՝ տեսակցելու իրենց պայքարի ընկերներին

10 Հունիսի 2022, 16:17Տիկին դեսպանը գոհ և ապահով նստած է նախկինի նախկին Գագիկ Ջհանգիրյանի կողքին. Ագնեսա Խամոյան

9 Հունիսի 2022, 18:05Ինքնավնասումով բանակից ազատվածն ինչպե՞ս կարող է ջոկատ ղեկավարել. Ա. Խամոյանը՝ ՔՊ֊ական պատգամավորի մասին