close
Եղանակը Երևանում
23 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
23 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վարչապետի և ԱԳ նախարարի հայտարարությունները չեն համընկնում

Հասարակություն

24 Հունվարի 2022, 21:12
 Վարչապետի և ԱԳ նախարարի հայտարարությունները չեն համընկնում

Առաջարկությունների փաթեթը Հայաստանն ուղիղ է փոխանցել Ադրբեջանին, լրատվամիջոցների հետ առցանց մամուլի ասուլիսին հայտարարեց վարչապետ Նիկոլ Փաշինյանը։

«Որ այդպիսի առաջարկություններ լինելու են՝ այդ մասին ես Ադրբեջանի նախագահին տեղեկացրել եմ Բրյուսելում մեր ունեցած հանդիպման ընթացքում։

Առաջարկները ոչ թե հենց դեմարկացիայի մասին են, այլ հետևյալի մասին են. գիտեք, որ Սոչիում ընդունված եռակողմ հայտարարության մեջ արձանագրված է, որ կողմերը պայմանավորվել են քայլեր ձեռնարկել հայ-ադրբեջանական սահմանին անվտանգության և կայունության մակարդակը բարձրացնելու վերաբերյալ և գործը տանել դեպի դեմարկացիա և դելիմիտացիա՝ երկկողմ հանձնաժողովի ձևավորում։ Մեր առաջարկը վերաբերում է հենց անվտանգության միջոցառումներին, ինչի մեջ ոչ մի գաղտնիք չկա։ Դրանք այն առաջարկներն են, որոնց մասին ես խոսել եմ դեռևս մայիսին», - հայտարարեց վարչապետը։

«Քննարկումները շարունակվում են, ուղղակի չենք ուզում, որ շատ դետալներ բացահայտելու միջոցով խաթարենք աշխատանքային քննարկումը», - ասաց Փաշինյանը։

Վարչապետի խոսքով՝ դեմարկացիայի և դելիմիտացիայի հանձնաժողովը պետք է օր առաջ ձևավորվի:

Հիշեցնենք, որ ԱԺ ամբիոնից ԱԳ նախարար Արարատ Միրզոյանը հայտարարել էր, որ հայկական կողմը Հայաստան-Ադրբեջան սահմանագոտում իրավիճակի դեէսկալացիային, լարվածության նվազմանը, անվտանգության և կայունության մակարդակի բարձրացմանն ուղղված մի շարք միջոցառումների փաթեթ է նախապատրաստել և փոխանցել ռուսական կողմին և ռուսական կողմի միջնորդությամբ՝ Ադրբեջանին:

Ամենաշատ ընթերցվածները
Yandex.Metrica