close
Եղանակը Երևանում
28 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
28 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արաբական կոալիցիան հայտարարել է Եմենի մայրաքաղաքը ռմբակոծելու մասին

Աշխարհ

18 Հունվարի 2022, 16:01
 Արաբական կոալիցիան հայտարարել է Եմենի մայրաքաղաքը ռմբակոծելու մասին

Սաուդյան Արաբիայի գլխավորած արաբական կոալիցիան երկուշաբթի երեկոյան հայտարարել է Եմենի մայրաքաղաք Սանայի ռմբակոծության մեկնարկի մասին՝ ի պատասխան շիա «Անսար Ալլահ» շարժման (հութիների)՝ ԱՄԷ-ի տարածքում հարվածների։

Հայտարարությունը, որը մեջբերում է ԱՄԷ-ում տեղակայված Sky News Arabia-ն, օդային հարվածներն անվանել է «սպառնալիքի պատասխան և ռազմական անհրաժեշտություն»: Նշվում է, որ պայթյունները ուղղված են «ահաբեկիչների առաջնորդներին»:

«Կոալիցիայի ռազմաօդային ուժերը շուրջօրյա գործողություններ են իրականացնում Սանայի երկնքում: Մենք կոչ ենք անում քաղաքացիներին՝ հեռու մնալ ռազմական ճամբարներից և հութիների հավաքատեղիներից՝ իրենց անվտանգության համար»,- ասվում է հաղորդագրության մեջ:

Ենթադրվում է, որ F-15 կործանիչ-ռմբակոծիչներն արդեն ոչնչացրել են բալիստիկ հրթիռների երկու կայան, որոնք օգտագործվել են Էմիրություններին հարվածելու համար։

«Անսար Ալլահ»-ի կողմից վերահսկվող «Ալ Մասիրա» հեռուստաալիքը հայտնել է, որ, ըստ նախնական տեղեկությունների, հարձակման հետեւանքով չորս մարդ է զոհվել, հինգը՝ վիրավորվել։

Երկուշաբթի ավելի վաղ մի շարք պայթյուններ էին որոտացել ԱՄԷ-ի մայրաքաղաք Աբու Դաբիում, պատճառը, ըստ տեղի ոստիկանության, եղել է անօդաչու թռչող սարքի հարձակումը: Մասնավորապես՝ վառելիքի երեք բաք էր պայթել Ազգային նավթային ընկերության վառելիքի պահեստների մոտ, ևս մեկ պայթյուն առաջացրել էր փոքր հրդեհ Աբու Դաբիի օդանավակայանի շինհրապարակի տարածքում։ Արդյունքում՝ երեք մարդ զոհվել էր՝ մեկ պակիստանցի և երկու հնդիկ, ևս վեց մարդ վիրավորվել էր։

Եմենի հյուսիսում իշխող «Անսար Ալլահ» շիա շարժումը ավելի ուշ հաստատել է, որ ռմբակոծել է Աբու Դաբիի և Դուբայի օդանավակայանները անօդաչու թռչող սարքերի միջոցով: Հութիները նաև սպառնացել են նոր հարձակումներով ԱՄԷ ռազմավարական թիրախների վրա։ 

2014 թվականի օգոստոսից Եմենում շարունակվում է զինված բախումը արաբական կոալիցիայի ուժերի և հութիների միջև։ 

Այս բաժնի այլ նորությունները
Ամենաշատ ընթերցվածները
Yandex.Metrica