close
Եղանակը Երևանում
28 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
28 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայ-թուրքական հարաբերությունների նախապայման է հայ-ադրբեջանական հարաբերությունները․ Արթուր Խաչատրյան

Հասարակություն

17 Հունվարի 2022, 18:28
 Հայ-թուրքական հարաբերությունների նախապայման է հայ-ադրբեջանական հարաբերությունները․ Արթուր Խաչատրյան

Ինչքան էլ այս իշխանություններն ասեն, թե Թուրքիայի հետ առանց նախապայմանների են բանակցում, ակնհայտ է, որ այդ նախապայմանները կան և ակնհայտ է, որ Հայաստանը գուցե այդ նախապայմանները բավարարելու խոստում տվել է։ Այս մասին Ազգային ժողովում այսօր լրագրողների հետ զրույցում ասաց ՀՅԴ անդամ, «Հայաստան» խմբակցության պատգամավոր Արթուր Խաչատրյանը։

Նա նշեց, որ այդ առումով ընդդիմադիր պատգամավորների զայրույթը տեղին է։ Պատգամավորը նշեց, որ հայ–թուրքական հարաբերություններում կան հիմքեր կասկածելու, որ այդ գործընթացը թափանցիկ չէ։

«Մենք միշտ ասել ենք, որ կողմ ենք առանց նախապայմանների Թուրքիայի հետ հարաբերություններ հաստատելուն, բայց իրենք հիմա էլ նախապայմաններ են դնում»,–ասաց նա։

Ինչ վերաբերում է ընդդիմության պայքարին, ապա նա ասաց, որ իրենք ռեսուրսներ են հավաքում, քանզի պետք է ունենան այնքան ռեսուրս, որպեսզի կարողանան իրականացնել ռազմավարական նպատակները։

Անդրադառնալով հայաստանյան ներքաղաքական կյանքի մասին առաջին նախագահ Լևոն Տեր-Պետրոսյանի օրերս արարած հայտարարությանը՝ պատգամավորն ասաց․ «Նա փորձում է վեր դասել իրեն քաղաքական համակարգից, բայց պետք չէ մոռանալ, որ այդ համակարգի հիմնադիրներից մեկը՝ Լևոն Տեր-Պետրոսյանն է, և այսօրվա քաղաքական ուժը, որը գտնվում է իշխանության, նույնպես ստեղծվեց իր բարձր հովանու ներքո, չմոռանանք՝ ով էր Նիկոլ Փաշինյանը մինչև «Հայ ազգային կոնգրեսով» պատգամավոր դառնալը, ընդամենը մի ժուռնալիստ, ում քչերն էին ճանաչում»,–ասաց նա։

Մանրամասները՝ տեսանյութում:

Ամենաշատ ընթերցվածները
Yandex.Metrica