close
Եղանակը Երևանում
29 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
29 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պայքարը շարունակվում է. Արթուր Վանեցյան

Քաղաքական

9 Դեկտեմբերի 2021, 11:40
 Պայքարը շարունակվում է. Արթուր Վանեցյան

ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը ֆեյսբուքյան իր էջում շնորհակալություն է հայտնել 42-րդ տարեդարձի առթիվ ստացած շնորհավորանքների համար։

«Սիրելինե՛րս,

Շնորհակալ եմ ծննդյանս տարեդարձի կապակցությամբ շնորհավորանքների և բարեմաղթանքների համար։

Բարեկամնե՛ր, ընկերնե՛ր, ծանոթ ու անծանոթ մարդի՛կ, ձեր բոլորի ջերմ վերաբերմունքը ու դրական սպասումները խիստ պարտավորեցնող են և ոգևորիչ։ Հավաստիացնում եմ՝ որպես Հայաստանի քաղաքացի և քաղաքական գործիչ, ամեն ջանք գործադրելու եմ արդարացնելու դրանք։

Մեր պետության և ազգի համար այս դժվարին պայմաններում մենք պարտավոր ենք նեցուկ լինել միմյանց, իրարից ուժ ստանալ և իրար ուժ տալ՝ դիմակայելու և կրկին որպես հզոր պետականություն ունեցող ժողովուրդ վերածնվելու:

Ձեր աջակցությունը ինձ անսպառ ուժ է տալիս ավելի եռանդուն կերպով պայքարելու բոլորիս, մեր պետության և հատկապես մեր երեխաների իրական և անվտանգ գալիքի համար:

Կյանքիս անցած 42 տարիների ուղիղ կեսը ծառայելով մեր Հայրենիքին և նրա անվտանգությանը, ինձ համար չկա և չի կարող լինել ավելի մեծ արժեք քան պետությունն է, քան Հայաստանի և Արցախի յուրաքանչյուր բնակչի անվտանգությունը: Այսուհետ նույնպես ապրելու եմ այդ բացարձակ արժեքների պաշտպանության և ամրացման անքննելի առաքելությամբ:

Կրկին շնորհակալ եմ բոլորիցդ և յուրաքանչյուրիդ կողքին եմ:

Հ.Գ.

Պայքարը շարունակվում է...»։

Հարսանիք ու Եռաբլուր
28 Հունվարի 2022, 14:41 Հարսանիք ու Եռաբլուր

Այս բաժնի այլ նորությունները
Ամենաշատ ընթերցվածները
Yandex.Metrica