close
Եղանակը Երևանում
24 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
24 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լարված իրավիճակ՝ Կառավարության շենքի դիմաց․ գերիների հարազատները փակել են փողոցների երթևեկելի հատվածը

Հասարակություն

7 Դեկտեմբերի 2021, 21:02
 Լարված իրավիճակ՝ Կառավարության շենքի դիմաց․ գերիների հարազատները փակել են փողոցների երթևեկելի հատվածը

Անհետ կորած եւ գերեվարված զինծառայողների հարազատները, որոնք կառավարության դիմաց բողոքի ակցիա են իրականացնում, պահանջում են ԱԺ նախագահ Ալեն Սիմոնյանից գալ եւ պատասխան տալ գերիներին դասալիք անվանելու համար:

Հարազատները հայտարարեցին՝ քանի որ ԱԺ նախագահը դեռ չի եկել, իրենք որոշել են կառավարության շենքի հարակից փողոցները փակել: Երբ հավաքվածները փակեցին Տիգրան Մեծի պողոտայի հարակից հատվածը, ոստիկանները հորդորեցին նրանց դուրս գալ երթեւեկելի հատվածից՝ նշելով, որ փողոց փակելու իրավունք չունեն, հարազատներն էլ, ի պատասխան, բերելով 2018թ. ապրիլ-մայիս ամիսների ժողովրդական շարժման ժամանակ փողոցներ փակելը, պնդեցին, որ իրենք էլ, հատկապես՝ իրենց երեխաների ճակատագիրը պարզելու հարցով, նույնպես կարող են փողոց փակել:

Ոստիկանները այդ հատվածից դուրս բերեցին բողոքի ակցիա իրականացնողներին, որոնք այժմ փակել են արդեն Տիգրան Մեծի պողոտա-Ամիրյան փողոց հատվածը:

Հանրապետության հրապարակում են նաև «Հայաստան» խմբակցության պատգամավորներ Ասպրամ Կրպեյանը, Աննա Գրիգորյանը, Էլինար Վարդանյանը, Աղվան Վարդանյանը:

Ավելի վաղ տեղեկացրել էինք, որ անհետ կորածների և գերիների հարազատները կառավարության դիմաց են: Նրանց վրդոհվեցրել է այսօր համացանցում տարածված տեսանյութոը, որտեղ Ալեն Սիմոնյանը գերիներին համարում է դասալիքներ և ասում, որ գերիներն իր համար չկան:


 

Այս բաժնի այլ նորությունները
Ամենաշատ ընթերցվածները
Yandex.Metrica