close
Եղանակը Երևանում
22 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
22 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գոռգոռացել է, սպառնացել, հրահանգել. Նազելի Բաղդասարյանն անցել է գործի

Քաղաքական

5 Դեկտեմբերի 2021, 10:07
 Գոռգոռացել է, սպառնացել, հրահանգել. Նազելի Բաղդասարյանն անցել է գործի

Այսօր հանրապետության մի շարք համայնքներում կկայանան Տեղական ինքնակառավարման մարմինների (ՏԻՄ) ընտրություններ։

ՏԻՄ ղեկավարներ կընտրեն նաև Շիրակի մարզի Աշոցք, Ամասիա, Արթիկ, Ախուրյան և այլ համայնքներ։ Այս համատեքստում բավականին ուշագրավ տեղեկություններ են 168.am-ին հասնում Շիրակի մարզից։

Մեր տեղեկություններով` Շիրակի մարզի նորանշանակ մարզպետ Նազելի Բաղդասարյանը երեկ իր մոտ է կանչել մարզպետարանի կրթության վարչության պետ Հրայր Կարապետյանին ու որոշ դպրոցների տնօրենների ու շատ խիստ կերպով հրահանգել աչալուրջ հետևել դպրոցների ուսուցիչների այսպես կոչված ֆեյսբուքյան վարքագծին։

Մեզ պատմեցին` մարզպետը տառացիորեն գոռգոռացել է ներկաների վրա ու սպառնացել, որ եթե ներկաների ենթակայության տակ գտնվող որևէ աշխատակից համարձակվի հավանել (լայքել) հակաիշխանական որևէ գրառում, էլ չենք խոսում այն մասին, եթե ինքը կատարի նման գրառում, «դուրս կշպրտենք դպրոցից»: Վերջինը Նազելի Բաղդասարյանի ձևակերպումն է։

Հետաքրքիր է, իսկ Նազելի Բաղդասարյանն արդյո՞ք արձակուրդ է վերցրել, որ ակտիվ քարոզարշավ է իրականացնում մարզում։

Մեզ պատմեցին` առավոտից երեկո Նազելի Բաղդասարյանը ՔՊ-ական թեկնածուների հետ շրջել է Ամասիայի, Աշոցքի և հատկապես Ախուրյանի և Արթիկի խոշորացված համայնքներում և աշխատանքային ժամերին քարոզ անում ընտրել իշխանական թեկնածուներին։

Աղբյուրը՝  168.am

Այս բաժնի այլ նորությունները
Ամենաշատ ընթերցվածները
Yandex.Metrica