close
Եղանակը Երևանում
26 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
26 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Անկախ իշխանության դիմադրությունից, ամեն ինչ անելու եմ զինվորականների դերը բարձրացնելու, նրանց առնչվող խնդիրները թեթևացնելու համար․ պատգամավոր

Հասարակություն

30 Նոյեմբերի 2021, 20:58
 Անկախ իշխանության դիմադրությունից, ամեն ինչ անելու եմ զինվորականների դերը բարձրացնելու, նրանց առնչվող խնդիրները թեթևացնելու համար․ պատգամավոր

ԱԺ «Պատիվ ունեմ» խմբակցության պատգամավոր Տիգրան Աբրահամյանն անդրադարձել է զինծառայողներին արտոնյալ պայմաններում բուժսպասարկում տրամադրելու նախագիծը իշխանության ներկայացուցիչների կողմից մերժելու փաստին։

«ԱԺ պաշտպանության և անվտանգության հանձնաժողովի այսօրվա նիստում քննարկվում էր օրինագիծ, որը հնարավորություն էր տալու զինծառայողներին առանց հերթի՝ հրատապ կարգով, բուժսպասարկում անցնել։
Նախագիծը մեր գործընկեր Թագուհի Թովմասյանն էր ներկայացրել։

Իմ մոտեցումը ձևակերպելիս, նշեցի, որ սա բխում է և՛ զինվորական մասնագիտության գրավչության բարձրացումից, և՛ զինծառայողների՝ առանց այդ էլ գերծանր գրաֆիկը մի մեծ հոգսով թեթևացնելու մոտեցումից։

Ավելին, ես համարում եմ, որ արտահերթ հիմունքներով պետք է առողջական սպասարկում, ապահովում անցնեն նաև զինծառայողների ընտանիքների անդամները։

Ովքեր առնչություն են ունեցել ծառայությանը կամ ում շրջապատում զինվորականներ կան, խոսքն առաջին հերթին վերաբերում է մարտական հերթապահություն կրողներին, գիտեն, թե օրինակ՝ ինչ լարված առօրյայով են ապրում այս մարդիկ, թե որքան քիչ է նրանց հնարավորությունը՝ տանը լինելու և ընտանեկան կյանքը վայելելու։

Ի վերջո, մենք այսքան խոսում են զինվորականի դերի բարձրացման, հասարակության շրջանում նրանց հատուկ դեր հատկացնելու և առհասարակ, նրանց պարտական լինելու մասին, սակայն երբ գործը հասնում է իրական քայլեր ձեռնարկելուն, իշխանությունը հազար պատճառ է հորինում, որ նույնիսկ ֆինանսական բեռ չպարունակող այս նախաձեռնությունը տապալի։

Թվում է, թե որոշ հարցեր նույնիսկ առանց հարցուպատասխանի պետք է ընդունվեն, բայց պարզվում է, որ ոչ։ Դե, այս իշխանության պայմաններում զարմանալի բան չկա, զուտ արձանագրելու համար։

Անկախ իշխանության դիմադրությունից, ինքս ամեն ինչ անելու եմ զինվորականների դերի բարձրացման, նրանց հետ առնչվող խնդիրների թեթևացման և սատարման համար»,- գրել է պատգամավորը։

 

Այս բաժնի այլ նորությունները
Ամենաշատ ընթերցվածները
Yandex.Metrica