close
Եղանակը Երևանում
3 Դեկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
3 Դեկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իսրայելի ռազմաօդային ուժերը հարվածներ են հասցրել Սիրիային Պուտին-Բենեթ հանդիպումից հետո

Աշխարհ

25 Հոկտեմբերի 2021, 17:10
 Իսրայելի ռազմաօդային ուժերը հարվածներ են հասցրել Սիրիային Պուտին-Բենեթ հանդիպումից հետո

Լոնդոնում տեղակայված Մարդու իրավունքների սիրիական դիտորդական խումբը (SOHR) հայտնում է, որ հոկտեմբերի 25-ի գիշերը իսրայելական ինքնաթիռը երկու հրթիռ է արձակել սիրիական բանակի և «նրա դաշնակիցների» դիրքերին (խոսքը «Հըզբոլլահ»-ի կամ այլ իրանամետ ուժերի մասին է) Սիրիայի հարավում գտնվող Ալ Բաաս քաղաքի և Ալ Կրում գյուղի ծայրամասերում՝ Կունեյտրայի նահանգում:

Հաղորդվել է վնասի մասին։ Զոհերի կամ վիրավորների մասին տեղեկություններ չկան։

Իսրայելի իշխանությունները և Իսրայելի պաշտպանության բանակի հրամանատարությունը չեն մեկնաբանում այս հաղորդագրությունը։ Հատկանշական է, որ ո՛չ սիրիական պետական, ո՛չ էլ «Հըզբոլլահ»-ի լրատվամիջոցները նույնպես մեկնաբանություններ չեն տալիս:

Եթե տեղեկությունը հավաստի է, ապա խոսքը Իսրայելի բանակի կողմից Սիրիայի դիրքերի վրա հարձակման մասին է Իսրայելի վարչապետ Նաֆթալի Բենեթի և ՌԴ նախագահ Վլադիմիր Պուտինի՝ Սոչիում կայացած բանակցություններից հետո, որոնց ընթացքում, ի թիվս այլ հարցերի, քննարկվել է իրավիճակը Սիրիայում:

Սոչիից վերադառնալուց հետո Իսրայելի վարչապետ Նաֆթալի Բենեթը կառավարության նիստում մասնավորապես ասել է. «Մենք խոսել ենք Սիրիայի իրավիճակի մասին և եկել լավ ու կայուն պայմանավորվածությունների»: Իր հերթին, բանակցություններին ներկա՝ շինարարության նախարար Զեև Էլկինը NEWSru.co.il-ին տված հարցազրույցում ասել է, որ Սիրիայի վերաբերյալ, իրոք, համաձայնություն է ձեռք բերվել:


Հայ-ուկրաինական կրկես
2 Դեկտեմբերի 2021, 18:32 Հայ-ուկրաինական կրկես

Այս բաժնի այլ նորությունները
Ամենաշատ ընթերցվածները
Yandex.Metrica