close
Եղանակը Երևանում
25 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
25 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսաստանն ու Չինաստանը համատեղ զորավարժություններ կանցկացնեն՝ ներգրավելով 10,000 զորք

Աշխարհ

30 Հուլիսի 2021, 17:05
 Ռուսաստանն ու Չինաստանը համատեղ զորավարժություններ կանցկացնեն՝ ներգրավելով 10,000 զորք

Ռուսաստանի Դաշնությունն ու Չինաստանը օպերատիվ-ռազմավարական զորավարժություններ կանցկացնեն օգոստոսի կեսերին. հայտնել են ՌԴ ՊՆ-ից:

«Համատեղ զորավարժություններին մասնակցող զորքերի ընդհանուր թիվը կկազմի մոտ 10 հազար մարդ»,- նշել է Ռուսաստանի պաշտպանության նախարարությունը:

Արևելյան ռազմական օկրուգի կազմավորումներից մեկի ստորաբաժանումները կմասնակցեն ռուս-չինական համատեղ օպերատիվ-ռազմավարական «Սիբու/Փոխգործակցություն-2021» վարժանքին, որը կանցկացվի 2021 թվականի օգոստոսի կեսերին Չինաստանի Ժողովրդական Հանրապետության տարածքում՝ Չինաստանի Ժողովրդական ազատագրական բանակի Ցինտունսիա զորավարժարանում։

«Զորավարժություններին նախատեսվում է կիրառել կործանիչներ, հրետանի և զրահատեխնիկա: Զորավարժությունները համատեղ կղեկավար երկու երկրների ռազմական կոնտինգենտի հրամանատարությունը»,- հայտնել են նախարարությունից:

Զինվորականները նշել են, որ զորավարժությունների խնդիրներն են` ամրապնդել ռուս-չինական հարաբերությունների զարգացումը, համապարփակ գործընկերությունն ու ռազմավարական փոխգործակցությունը, բարձրացնել երկու երկրների զինված ուժերի ռազմական համագործակցության և բարեկամության մակարդակը, ցույց տալ Ռուսաստանի և Չինաստանի վճռականությունն ու ունակությունը ահաբեկչության դեմ պայքարելու, տարածաշրջանում խաղաղությունն ու կայունությունը համատեղ պաշտպանելու ուղղությամբ։

Անցկացվել են կապի վարժանքներ
25 Սեպտեմբերի 2021, 17:34 Անցկացվել են կապի վարժանքներ
Սպասվում է անձրև և ամպրոպ
25 Սեպտեմբերի 2021, 09:20 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica