close
Եղանակը Երևանում
1 Օգոստոսի 2021
+16°
+27°Ցերեկ
+15°Գիշեր
weather
close
Փոխարժեք
1 Օգս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայրենի մտավորականներին․ մեզ միասին հաջողվեց կատարել առաջին լրջագույն քայլը. Լ. Գալստյան

Հասարակություն

23 Հունիսի 2021, 21:40
 Հայրենի մտավորականներին․ մեզ միասին հաջողվեց կատարել առաջին լրջագույն քայլը. Լ. Գալստյան
ՀՅԴ Հայաստանի Գերագույն մարմնի անդամ, «Հայաստան» դաշինքի պատգամավորի թեկնածու Լիլիթ Գալստյանը գրում է.
 
«Ուզում եմ առանձնահատուկ երախտագիտություն հայտնել հայրենի այն մտավորականներին, ովքեր հանդես եկան «Հայաստան» դաշինքի շուրջ համախմբվելու կոչով։
 
Իրականում, նրանց բարձր քաղաքացիական կեցվածքը քաղաքական ընթացիկ ընտրանքով պայմանավորված չէր։
 
Օրհասական այդ պահին նրանք չլռեցին, չընկրկեցին, իրացրին մտավորականի իրենց ձայնը հնչեցնելու բարոյական պարտքն ու պարտավորությունը, որովհետև իբրև հավաքականություն մենք ազգովի կանգնած ենք Հայաստան պետության և Հայրենիք ունենալու և չունենալու մարտահրավերի առջև։
 
Մենք անսահման երախտապարտ ենք և հպարտ, որ մեզ աջակցեց մեր ակադեմիական և մշակութային ընտրանին, մեր մտքի բանակի զտված փաղանգը՝ ակադեմիկոսներ, մեր ժամանակի լավագույն գրողները, ժողովրդական արտիստներ, արվեստի և մշակույթի վաստակավոր գործիչներ, երախտավորներ, տասնյակ դոկտոր-պրոֆեսորներ, պետական մրցանակի դափնեկիրներ։
 
Գիտեմ, սպասումներն ավելին էին, բայց չենք հուսահատվում։ Իրավունք չունենք։ Մեզ միասին հաջողվեց առաջին լրջագույն քայլը անել․ Հայրենիքի փրկության պայքարում մենք, այնուամենայնիվ, կարողացանք լուրջ ճեղքում կատարել։
 
Խորհրդարանում դիրքավորվող իրական և կոշտ ընդդիմությունը շարունակելու է հայոց պետականության, հայ ժողովրդի իրական հաղթանակների և մեր վիրավոր արժանապատվության համար պայքարը։
 
Միասին շարունակում ենք և գնում առաջ՝ շարունակելով ստեղծարար օրակարգերի շուրջ մեր համագործակցությունը։
 
Ճեղքումը կատարված է, պետականության փրկության պայքարը շարունակվում է․․․
 
Հիմա թևքերը ծալելու ժամանակն է․․․»:
 
 
Հրդեհ Մասիս քաղաքում
31 Հուլիսի 2021, 16:43 Հրդեհ Մասիս քաղաքում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica