close
Եղանակը Երևանում
1 Օգոստոսի 2021
+16°
+27°Ցերեկ
+15°Գիշեր
weather
close
Փոխարժեք
1 Օգս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՌԴ–ն դեմ է Աֆղանստանում թուրքական զորքերի մնալուն

Աշխարհ

18 Հունիսի 2021, 15:59
 ՌԴ–ն դեմ է Աֆղանստանում թուրքական զորքերի մնալուն

Աֆղանստանում թուրքական ռազմական զորախմբի մնալը, այդ թվում` Քաբուլի օդանավակայանի պաշտպանության համար, կհակասի ԱՄՆ-ի և «Թալիբան» շարժման միջև համաձայնագրերին: Այդ մասին հայտարարել է ՌԴ ԱԳՆ խոսնակ Մարիա Զախարովան:

«Թուրքիայի, ինչպես ցանկացած այլ երկրի ռազմական կազմը Աֆղանստանում պահելը իրավական տեսանկյունից հակասում է ԱՄՆ-ի և «Թալիբան»-ի միջև Դոհայում ստորագրված համաձայնագրին: Այս փաստաթուղթը նախատեսում է օտարերկրյա զորքերի ամբողջական դուրսբերում մայիսի 1-ից, վերջնաժամկետն արդեն հետաձգվել է այս տարվա  սեպտեմբերի 11-ի դրությամբ։ «Թալիբան» շարժումը միանշանակ արտահայտել է իր բացասական վերաբերմունքը նման հեռանկարի նկատմամբ»,- հինգշաբթի ճեպազրույցում ասել է Զախարովան՝ մեկնաբանելով Թուրքիայի առաջարկը՝ ապահովել Քաբուլի օդանավակայանի անվտանգությունը երկրից ՆԱՏՕ-ի զորքերի դուրսբերումից հետո:

Ըստ Զախարովայի՝ Մոսկվան ելնում է այն նախադրյալից, որ այս հարցի վերաբերյալ վերջնական որոշումը «պետք է ընդունվի հավասարակշռված ձևով, ներառյալ՝ միջաֆղանական ազգային հաշտեցման գործընթացները խթանելու նպատակների հիման վրա»:

«Կա նաև մի այդպիսի հարց, որը տրամաբանական կլինի տալ: Ինչո՞ւ երկրի հիմնական օդանավակայանի պաշտպանությունը չի կարող վստահվել Աֆղանստանի անվտանգության ուժերին: Հիշեցնեմ, որ միլիարդավոր դոլարներ են ծախսվել 20 տարուց ավելի նրանց վերապատրաստման և վերազինման, մարտական պատրաստության բարձր մակարդակի բերելու, ինքնուրույն երկրի անվտանգությունն ապահովելու ունակության համար»,- ասել է ՌԴ ԱԳՆ խոսնակը:

Հրդեհ Մասիս քաղաքում
31 Հուլիսի 2021, 16:43 Հրդեհ Մասիս քաղաքում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica