close
Եղանակը Երևանում
15 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
15 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պուտինը պատմել է, թե ինչ է մտածում Ուկրաինայի՝ ՆԱՏՕ-ին անդամակցելու մասին

Աշխարհ

10 Հունիսի 2021, 16:35
 Պուտինը պատմել է, թե ինչ է մտածում Ուկրաինայի՝ ՆԱՏՕ-ին անդամակցելու մասին

Ռուսաստանի նախագահ Վլադիմիր Պուտինն ասել է, որ «դատարկաբանություն» չի համարում ՆԱՏՕ-ին Ուկրաինայի անդամակցելու մասին խոսակցությունները, ուստի Ռուսաստանը համապատասխանաբար կհարմարեցնի իր անվտանգությունը:

«Ինչ վերաբերում է Ուկրաինայի՝ ՆԱՏՕ մտնելու ծրագրի հետ կապված առաջարկին. այո, ես գիտեմ, տեսնում եմ մեր դիտորդների մեկնաբանությունները, տեսնում եմ մեր լրատվամիջոցների, մեր քաղաքական գործիչների արձագանքը: Բոլորը մի քիչ ծիծաղում են Զելենսկիի վրա, ասում են՝ այս ամենը դատարկաբանություն է, այստեղ ոչինչ չի լինի, և այլն: Ես այլ կարծիք ունեմ»,- ասել է Ռուսաստանի ղեկավարը «Ռոսիա-1» հեռուստաալիքին տված հարցազրույցում:

Պուտինը նշել է, որ ՆԱՏՕ-ի՝ դեպի արևելք ընդլայնման նախորդ երկու փուլերի ընթացքում Մոսկվայի բոլոր մտահոգություններն անտեսվել են: Նրա խոսքով՝ ՆԱՏՕ-ին Ուկրաինայի անդամակցելու հարցում կան պաշտոնական սահմանափակումներ, բայց երաշխիքներ չկան:

Ըստ Պուտինի՝ մեկ անգամ չէ, որ լսել է նախկին ամերիկացի ղեկավարներից, որ ՆԱՏՕ-ն բաց կազմակերպություն է, և որ յուրաքանչյուր պետություն իրավունք ունի ընտրելու իր անվտանգությունն ապահովելու ուղին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica