close
Եղանակը Երևանում
17 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
17 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դմանիսում վրացիներն ու ադրբեջանցիները համաձայնել են դադարեցնել բախումները

Տարածաշրջան

18 Մայիսի 2021, 16:15
 Դմանիսում վրացիներն ու ադրբեջանցիները համաձայնել են դադարեցնել բախումները

Անցյալ գիշեր Դմանիսում բնակվող էթնիկ վրացիներն ու ադրբեջանցիները խոստացել են դադարեցնել խանութում տեղի ունեցած միջադեպից հետո ժամեր տևած փողոցային բռնությունները: Հակառակորդ կողմերի միջև բանակցությունները տեղի են ունեցել Դմանիսի Սակրեբուլոյում (քաղաքային ժողով)՝ կենտրոնական և տեղական իշխանությունների ներկայացուցիչների մասնակցությամբ: Բանակցություններին մասնակցել են նաև մուսուլման և ուղղափառ հոգևորականներ:

Բանակցությունների ավարտին ԶԼՄ-ների ներկայացուցիչներին տված հարցազրույցում, Վրաստանի կառավարության վարչակազմի մարզերի հետ կապերի վարչության պետ Լերի Բառնաբիշվիլին ասել է, որ «հակամարտությունն ավարտվել է», և կոչ է արել տեղի բնակիչներին՝ վերադառնալ տուն ու «ապրել խաղաղ»՝ իրենց ընկերների, հարևանների ու հայրենակիցների հետ:

Ըստ Քվեմո Քարթլիի շրջանի նահանգապետ Շոթա Ռեխվիաշվիլիի՝ հանդիպման մասնակիցները հայտարարել են․ «Մենք հակամարտության կողմ չենք, մենք մեկ երկրի զավակներ ենք, և այս բախումը չպետք է մեծ հնչեղություն ստանա»: «Մենք շարունակում ենք խաղաղորեն զարգացնել մեր երկիրը բազմազգ, բազմամշակութային հարաբերությունների շրջանակներում»,- ասել է նահանգապետը:

Ադրբեջանի դեսպանությունը Վրաստանում հայտարարել էր, որ այս բախումները չպետք է դիտարկել էթնիկական տեսանկյունից։

Հայրենիք կամ մահ
16 Հունիսի 2021, 21:17 Հայրենիք կամ մահ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica