close
Եղանակը Երևանում
23 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
23 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Էրդողանը հույն պատրիարք Բարդուղիմեոսին ասել է, որ հույները պետք է վերադառնան Թուրքիա

Տարածաշրջան

10 Մայիսի 2021, 12:47
 Էրդողանը հույն պատրիարք Բարդուղիմեոսին ասել է, որ հույները պետք է վերադառնան Թուրքիա

Թուրքիայի նախագահ Ռեջեփ Թայիփ Էրդողանը Կոստանդնուպոլսի պատրիարք Բարդուղիմեոսին ասել է, որ ողջունում է հույների վերադարձը Թուրքիա:

Ըստ թուրքական Sabah-ի՝ անցյալ չորեքշաբթի հոգևոր առաջնորդների համար կազմակերպված իֆթարի ընթրիքը Էրդողանի համար հնարավորություն էր հրավիրելու նախորդ տասնամյակների ընթացքում Թուրքիայից «հեռացած» հույներին՝ վերադառնալ հայրենիք:

Ուրբաթ համարյա բոլոր թուրքական թերթերը հայտնում էին, որ շատ լավ, մտերմիկ և ջերմ մթնոլորտ է եղել Թուրքիայի կրոնական փոքրամասնությունների ղեկավարների հետ հանդիպման ժամանակ, և Թուրքիայի ղեկավարը «գրկախառնվել է փոքրամասնությունների հետ»:

Իֆթարը մուսուլմանների ընթրիքն է մայրամուտից հետո՝ Ռամադանի ընթացքում՝ իսլամական ծոմ պահելու շրջանում, երբ չի կարելի ուտել կամ խմել առավոտյան ու ցերեկը:

1923 թվականին՝ Լոզանի պայմանագիրը ստորագրելու պահին, Կոստանդնուպոլսում ապրում էր ավելի քան 125․000 հույն: Պոլսում և հարակից կղզիներում բնակվող հարյուրհազարավոր հույները լքեցին այդ տարածքների մեծ մասը Հունաստանի և Թուրքիայի միջև բնակչության փոխանակումից հետո։

Սակայն Կոնստանդնուպոլսում բնակվող հունական բնակչությունը սկսել էր թողնել իր պատմական քաղաքն այն բանից հետո, երբ Թուրքիան սկսեց փոքրամասնությունների՝ հայերի և հույների նկատմամբ ճնշումները։ Դրա գագաթնակետը եղավ 1955 թ. սեպտեմբերի 5-6-ը Ստամբուլում տեղի ունեցած «Պոգրոմը», երբ հույների և հայերի նկատմամբ սկսվեցին թալանի և ավերածությունների գործողությունները, տասնյակ մարդիկ զոհվեցին, իսկ հույների մեծ մասը լքեց քաղաքը, մնաց ընդամենը 1500 հույն։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica