close
Եղանակը Երևանում
16 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
16 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

44 -օրյա պատերազմում կրած դառը պարտությունը ազդակ է՝ քննելու պարտության պատճառները. «Կամավորական շարժում» ՀԿ-ի հայտարարությունը

Հասարակություն

9 Մայիսի 2021, 11:43
 44 -օրյա պատերազմում կրած դառը պարտությունը  ազդակ է՝ քննելու պարտության պատճառները. «Կամավորական շարժում» ՀԿ-ի հայտարարությունը

«Կամավորական շարժում» ՀԿ-ն հայտարարություն է տարածել, որը ներկայացնում ենք ստորև.

«Մեզ պատուհասած պատերազմի ավարտից անցել է կես տարի։ Պատերազմի օրերին հերոսաբար զոհված մեր զինվորների և կամավորների հիշատակն ու անմահ ոգին մեզ՝ ապրողներիս, պատասխանատվության և նոր հանձնառությունների առջև է կանգնեցնում։

44 -օրյա պատերազմում կրած դառը պարտությունը սերունդների համար դաս է դառնալու, նաև ազդակ՝ քննելու պարտության պատճառները, վերականգնելու ներազգային բարոյա- հոգեբանական ծանր մթնոլորտն ու իբրև հավաքականություն դիմագրավելու նոր մարտահրավերները։

Որպես ազգ և պետություն վերակազմակերպվելու հրամայականի առջև ենք բոլորս։ Համոզված ենք, որ շատ շուտով պետությունը կվերականգնի իր ուժերը ու մեր բանակը կշարունակի լինել մեր անվտանգության և խաղաղության կարևոր երաշխավորը։

Եվ, այնուամենայնիվ, մեզանից յուրաքանյուրի պարտքն է լինել բանակի կողքին, կայացնել և ամրապնդել Աշխարհազորը, բանակի հետ համագործակցաբար լծվել անվտանգ երկիր կառուցելու, անվտանգային սպառնալիքները չեզոքացնելու կարևորագույն առաջնահերթությանը։

Այսու դիմում ենք բոլորին, մասնավորապես՝ 20-ից 35 տարեկան հայորդիներին, անդամագրվելու «Կամավորական շարժում» ՀԿ-ին և անցնելու անհրաժեշտ պատրաստականություն՝ հարկ եղած պարագայում ունակ լինելու պաշտպանել հայոց պետականությունն ու կանգնել հայ զինվորի կողքին։

Մենք պարտավոր ենք նոր զարթոնքի և արժանապատիվ խաղաղության սկիզբը դնելու։

«Կամավորական շարժում» ՀԿ

Հանրապետության 30, Սիմոն Վրացյան կենտրոն,

Հեռ; +37499640740, էլ․հասցե- [email protected]

09.05.2021»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica