close
Եղանակը Երևանում
17 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
17 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լույս է տեսել ՀՅԴ պաշտոնաթերթ «Դրօշակ»ի 2021 թվականի հինգերորդ համարը

Հասարակություն

8 Մայիսի 2021, 09:35
 Լույս է տեսել ՀՅԴ պաշտոնաթերթ «Դրօշակ»ի 2021 թվականի հինգերորդ համարը

Այսօրվանից համացանցի վրա կարելի է ընթերցել «Դրօշակ» ամսագրի 2021 թվականի հինգերորդ համարը: Միանգամից կարելի է նշել, որ խախտելով մեզանում հաստատված երեք տասնամյակի ավանդույթը մայիսյան «Դրօշակ»ը զուրկ է տոնական տրամադրությունից և արտահայտում է մեզ համար ոչ ուրախ ժամանակի շունչը: Այդ նույն տրամադրության արտահայտություն է նաև համարի առաջնորդողը, որով փորձ է արվում պարզաբանել մոտ ապագայի համապետական հնարավոր ընտրություններում ինչ սկզբունքների հիման վրա է անհրաժեշտ կատարել մեր և մեր երկրի վաղվա օրը մեծապես կանխորոշող ճակատագրական ընտրությունը:

Առաջնորդողին հաջորդող Անի Մելքոնյանի «Խլված հաղթանակների մայիսը» հոդվածը անդրադարձ է մեկ դար առաջ ծանր դիմակայության գնով ձեռք բերված պետականության ձևավորման շրջանին, Արցախյան նոր հերոսապատումին և երկրին պատուհասած այսօրվա իշխանությունների գործունեության արդյունքում կրած ծանր պարտությանն ու կորուստներին: Հայոց անկախ պետականության վերականգնման բախտորոշ իրադարձություններին է անդրադառնում նաեւ պատմաբան Արմեն Խաչատրյանը:

Կարծում ենք ընթերցողի համար հետաքրքրական կլինի ընթերցելը պատմական գիտությունների դոկտոր, Վանիկ Վիրաբյանի երկու հոդվածները, որոնցում ներկայացված է Հայաստանի առաջին հանրապետության շրջանում նորաստեղծ պետության անվտանգության համակարգը կազմող Միլիցիայի, բանակի և հետախուզության ստեղծման պատմությանը:

Պատմական թեմային անդրադարձը շարունակվում է պատմական գիտությունների թեկնածու, Թեհրանի «Ալիք» թերթի խմբագիր Դերենիկ Մելիքյանի «Ռազմական գործողութիւնները Հիւսիսային Իրանում եւ քրիստոնեայ բնակչութեան (հայերի եւ ասորիների) կոտորածները 1914-1916թթ. » հետաքրքրական հոդվածի երկրորդ և վերջին մասով:

Արցախի թեմային «Դրօշակի» համարում անդրադարձել է Արցախցի գրող և լրագրող Նորեկ Գասպարյանը: Արցախի խնդրին և ադրբեջանական հավակնություններին իրավաքաղաքական տեսանկյունից անդրադարձել է Գևորգ Հակոբջյանը:

Անկասկած հետաքրքրություն կշարժի նաև Վրեժ-Արմենի հոդվածը, ով հրատարակված գրքի առիթով անդրադառնում է թե տվյալ գրքի հեղինակին և թե հատկապես գրքի հերոսներին՝ Բալյանների ընտանիքին, ովքեր հսկայական հետք են թողել Օսմանյան կայսրության ճարտարապետական դիմագծի վրա:

Կարծում ենք «Դրօշակ»ի մյուս հոդվածները եւս կարժենան ընթերցողների ուշադրությանը:

«Դրօշակ»ի 2021թ թիվ 5 համարը համացանցում կարող եք գտնել droshak.am հասցեի ներքո։

Ներբեռնել համարը Դրօշակ թիվ 5, 2021թ․

Հայրենիք կամ մահ
16 Հունիսի 2021, 21:17 Հայրենիք կամ մահ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica