close
Եղանակը Երևանում
9 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
9 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՅԴ Հիւսիսային Իրանի Կենտրոնական Կոմիտէի յայտարարութիւնը

Սփյուռքի ձայնը

28 Ապրիլի 2021, 10:54
 ՀՅԴ Հիւսիսային Իրանի Կենտրոնական Կոմիտէի յայտարարութիւնը

2021 թւական Ապրիլի 24-ը դարձաւ պատմական օր Հայոց Ցեղասպանութեան ճանաչման գործընթացում: ԱՄՆ նախագահ Ջոզէֆ Բայդէնը իր յայտարարութեան մէջ պաշտօնապէս հաստատեց Հայոց Ցեղասպանութեան իրողութիւնը:

Պատմական մեծ նշանակութեան այս յաջողութեան առիթով, ՀՅԴ Հիւսիսային Իրանի շրջանի մարմինների եւ ընկերների անունից շնորհաւորում եւ երախտագիտութեան խօսք ենք ուղղում ՀՅԴ ԱՄՆ-ի շրջանի կառոյցներին, Հայ Դատի յանձնախմբերին եւ գրասենեակներին, ինչպէս նաեւ՝ ամերիկահայ համայնքի հազարաւոր նւիրեալներին, որոնք ջանք ու եռանդ չխնայեցին տասնամեակների պայքարի արդիւնաւորման համար:

Կասկածից վեր է, որ պատմական այս յաջողութիւնը Ձեր անմնացորդ, նւիրւած, նպատակային, անկոտրում եւ անզիջում պայքարի ու վճռակամ աշխատանքի արդիւնքն է:

Վստահ ենք, որ այս յաջողութիւնը կը գայ նոր լիցք հաղորդելու Հայոց Ցեղասպանութեան փաստի միջազգային ճանաչման եւ հատուցման մեր դժւարին պայքարին: Պայքար, որը պէտք է շարունակւի այնքան ժամանակ, քանի դեռ ամբողջովին չեն վերականգնւել հայութեան ոտնահարւած իրաւունքները: Պայքար, որի վերջնահանգրւանը պէտք է դառնայ ամողջական Հայաստանը, ամբողջական հայութեամբ:

ՀՅԴ Հիւսիսային Իրանի շրջանի Կենտրոնական Կոմիտէ
Թեհրան
27 ապրիլի, 2021թ.


 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica