close
Եղանակը Երևանում
13 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
13 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի խորհրդարանի ուսումնասիրության համաձայն՝ Թուրքիայի հայերն ամենաշատը բողոքում են իրենց ուղղված ատելության արտահայտություններից

Տարածաշրջան

16 Ապրիլի 2021, 12:34
 Թուրքիայի խորհրդարանի ուսումնասիրության համաձայն՝ Թուրքիայի հայերն ամենաշատը բողոքում են իրենց ուղղված ատելության արտահայտություններից

Թուրքիայի Ազգային մեծ ժողովի Մարդու իրավունքների հանձնաժողովը Արցախյան վերջին պատերազմից հետո զեկույց է պատրաստել Հայաստանի և Ադրբեջանի քաղաքացիների միջև առաջացած խնդիրների և Թուրքիայում դրանց արձագանքների մասին։ Զեկույցի համաձայն՝ Թուրքիայի հայերն ամենից շատ բողոքում են այստեղ իրենց հանդեպ ատելության դրսևորումներից։

Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։

Ըստ աղբյուրի՝ վերոնշյալ հանձնաժողովի նախագահ Հաքան Չավուշօղլուն հայտնել է, թե հանձնաժողովն ուսումնասիրել է Թուրքիայում հայ բնակչության կրած նեղությունները, և որ այդ ուսումնասիրության շրջանակներում հանձնաժողովի անդամները հանդիպումներ են ունեցել հայ հոգևորականների, որոշ հասարակական կազմակերպությունների և մամլո օրգանների ներկայացուցիչների հետ։

Արդարություն և զարգացում կուսակցությունը ներկայացնող Չավուշօղլուն «Հայ քաղաքացիների խնդիրները» խորագրով զեկույցից որոշ հատվածներ է ներկայացրել, համաձայն որոնց՝  Թուրքիայի հայերը հայտնել են, թե իրենց ուղղված ատելության արտահայտություններն առավելապես գրանցվել են համացանցում։

Հանձնաժողովի կողմից արձանագրվել է, որ հայերի հանդեպ ատելություն պարունակող արտահայտություններ հնչել են նաև թուրքական հեռուստաալիքներով և ռադիոկայաններով։ Սակայն նույն զեկույցի համար տեսակետ ներկայացրած Թուրքիայի ռադիոյի և հեռուստատեսության բարձրագույն խորհուրդը (Radyo ve Televizyon Üst Kurulu – RTÜK) փորձել է ժխտել այդ փաստը՝ նշելով, թե խորհուրդն իբր նման խտրականությունների չի հանդիպել։

https://t24.com.tr/haber/tbmm-insan-haklari-komisyonu-turkiye-de-yasayan-ermeni-vatandaslar-en-cok-nefret-soyleminden-sikayetci,946056

Թարգմանեց Մելինե Անումյանը

Akunq.net

Դէպի ուժեղ Հայաստան
12 Մայիսի 2021, 20:20 Դէպի ուժեղ Հայաստան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica