close
Եղանակը Երևանում
16 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
16 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երգիչ Ռոբ Ավալյանը երկար լռությունից հետո կրկին նոր երգերով հանդես կգա

Հասարակություն

13 Ապրիլի 2021, 18:07
 Երգիչ Ռոբ Ավալյանը երկար լռությունից հետո կրկին նոր երգերով հանդես կգա

Երգիչ Ռոբ Ավալյանն, ով տարիներ առաջ երաժշտական ակտիվ գործունեություն ծավալեց,  նոր երգերով կներկայանա նաև մոտ ժամանակներում: Հանդիսատեսը հատկապես հիշում է նրա  «Կանչը կռունկի» երգն ու տեսահոլովակը, որը նվիրված էր Հայոց ցեղասպանության 100-րդ տարելիցին։ Այս երգից հետո նա «Տարվա հայտնություն» մրցանակը ստացավ: Նրա առաջին տեսահոլովակը՝ «Առանց քեզ», արժանացավ «Տարվա լավագույն պրեմիերա» մրցանակին:

   Հաճախ հանդես է գալիս  հայտնի երգերի cover  կատարումներով, նաև մասնակցել է տարբեր մրցույթների: Առաջին մեծ մրցույթը նրա համար 2012 թվականին Հայաստանի X-Factor-ն էր, որտեղ հասավ մինչև կիսաեզրափակիչ փուլ: Այս հետաքրքիր  փորձից հետո  նա  մեկնեց բնակվելու Կիև քաղաք,  արդեն 2017-ին  մասնակցեց  «Դեպի Եվրատեսիլ»  մրցույթի նախընտրական փուլին, և,  ի ուրախություն իրեն,  հրավիրվեց Երևան՝ մրցույթի  եզրափակչին մասնակցելու համար:

    Ռոբ Ավալյանը դեռ մանուկ հասակից է եղել արվեստի բնագավառում՝  5 տարեկանից զբաղվել է լատինաամերիկյան պարերով: Չնայած լավ պարող լինելուն և  իրավաբանի կրթությանը՝ Ռոբերտը միշտ սիրել է երգել, ինչը նրան ուղեկցել է նաև  համերգների ժամանակ բեմում պարելիս: Երգի հանդեպ սերը նրան 2008-ին տարել է Հայաստանի երգի պետական թատրոն: Զինվորական ծառայությունից հետո նա սկսել է իր երաժշտական կարիերան:  Իր լավ ընկերներից մեկը՝ երգչուհի Նարե Գրիգորյանը,  նրան ծանոթացրել է  մի հրաշք վոկալիստի՝ Մարան Կարապետյանի հետ, ում հետ մինչ օրս՝ արդեն 9 տարի,  պարապում է:

  Ռոբ Ավալյանն արդեն 4 տարի է, ինչ մշտական բնակություն է հաստատել Մոսկվայում: Այս տարիների ընթացքում շարունակել է երգել այնտեղի հեղինակավոր ակումբներում, որտեղ համերգային երեկոներ են ունենում նաև Ռուսաստանի հայտնի երգիչները: Հայ հանդիսատեսի համար դադարից հետո կան անելիքներ՝ առաջիկայում սպասվում են նրա նոր երգերն ու տեսահոլովակները:

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica