close
Եղանակը Երևանում
18 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
18 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքական Baykar ընկերությունը հաստատել է, որ Ուկրաինան գնել է Bayraktar-ներ

Տարածաշրջան

10 Ապրիլի 2021, 10:30
 Թուրքական Baykar ընկերությունը հաստատել է, որ Ուկրաինան գնել է Bayraktar-ներ

Ուկրաինան արդեն ձեռք է բերել թուրքական Bayraktar անօդաչու թռչող սարքերը: Այս մասին ուրբաթ հայտնել է «Baykar» ընկերության մամուլի ծառայությունը:

Պարզաբանվում է, որ Ուկրաինայի նախագահ Վլադիմիր Զելենսկիի`Թուրքիա կատարելիք այցի ընթացքում արտադրամաս այց չի նախատեսվում:

«Զելենսկին չի պատրաստվում այցելել մեր գործարան: Դրա համար նախապատրաստություն չկա: Եթե Ուկրաինայի նախագահը քննարկելու է ռազմական համագործակցությունը, ապա ոչ թե մեզ, այլ պաշտպանության նախարարության և նախագահի աշխատակազմի հետ: Այն, ինչ մեզ հետ կապված է, ուկրաինացիների կողմից անօդաչու թռչող սարքերի, այդ թվում՝ հարվածային ԱԹՍ-ների գնումն է: Բայց նրանք դրանք արդեն գնել են», - «ՌԻԱ Նովոստի»-ին տված հարցազրույցում ասել է Baykar-ի մամուլի ծառայությունը:

Զելենսկին այցելել է Bayraktar անօդաչու թռչող սարքերի արտադրամաս 2019-ի օգոստոսին Թուրքիա կատարած այցի ժամանակ:

Ուրբաթ օրը ավելի վաղ հայտնի էր դարձել, որ ապրիլի 10-ին Զելենսկին կայցելի Թուրքիա:

Մարտի 27-ին հաղորդվել էր, որ Ուկրաինայի զինված ուժերի ստորաբաժանումները Սև ծովում գտնվող Տենդրովսկայա կղզու տարածքում թուրքական Bayraktar TB2-ի միջոցով զորավարժանքներ են անցկացրել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica