close
Եղանակը Երևանում
25 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
25 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանում սննդամթերքը շարունակում է թանկանալ. պետական ծրագրերը համատարած ձախողվում են

Տնտեսական

17 Նոյեմբերի 2021, 21:41
 Հայաստանում սննդամթերքը շարունակում է թանկանալ. պետական ծրագրերը համատարած ձախողվում են

Սննդամթերքն օրեցօր թանկանում է, ընդորում, և՛ ներկրվողը, և՛ տեղում արտադրվողը։ Եթե տարեսկզբին ներկրվող սննդամթերքի գների աճըկապում էին դրամի արժեզրկման հետ, ապա հուլիսից սկսած դրամն արժևորվել է մոտ 8-9 տոկոսով, իսկ նույն ապրանքների գները շարունակում են աճել։

Պաշտոնական վիճակագրությամբ՝ 2021 թվականի հունվար-հոկտեմբեր ամիսներինմիայն սննդամթերքի գները աճել են 10,8 տոկոսով, իսկ միայն հոկտեմբերին՝ 16,4 տոկոսով։ Իշխանության ներկայացուցիչներն այս գնաճը հիմնականում բացատրում են համաշխարհային շուկայում ապրանքների գների աճով, սակայն իրականպատճառները նաև պետք է փնտրել Հայաստանում։Մասնավորապես՝ պետականծրագրերի համատարած ձախողումը հանգեցրել է գյուղատնտեսության ոլորտի -1,5 տոկոս անկման, այդ թվում՝ անկում է գրանցվել բուսաբուծության ոլորտում՝ -2,4 տոկոս, անասնապահության ոլորտում՝ -0,4 տոկոս։

2021 թվականի ընթացքում կրճատվել են սպառողական զամբյուղի մեջ մտնող մի շարք մթերքների արտադրության ծավալները, ինչն էլ իր հերթին ազդել է գների աճի վրա։

Եվ այսպես՝

1.Գյուղատնտեսական կենդանի և թռչնի սպանդի ծավալները նվազել են -0,1 տոկոսով, իսկ թռչնամիսը թանկացել է +15,4 տոկոսով,

2. Ձվի արտադրությունը նվազել է -7,7 տոկոսով, իսկ ձուն թանկացել է +44,1 տոկոսով,

3.Հացահատիկի և հատիկաընդեղենի արտադրությունը նվազել է -38,2 տոկոսով, իսկ հացը թանկացել է +5 տոկոսով, ալյուրն և այլ ձավարեղենը՝ +10,5 տոկոսով,

4. Կարտոֆիլի արտադրության ծավալները կրճատվել են -7,8 տոկոսով, իսկ կարտոֆիլի գինն ավելացել է +8,6 տոկոսով,

5. Բանջարեղենի արտադրության ծավալները նվազել են -7,3 տոկոսով, իսկ բանջերեղենի գինն ավելացել է +23,9 տոկոսով։

Ամփոփելով՝ պետք է նշել, որ 2021 թվականի ընթացքում գյուղատնտեսության ոլորտիանկումը բացատրվում է ոչ միայն ՀՀ էկոնոմիկայի նախարարության կողմից իրականացվող պետական ծրագրերի անարդյունավետությամբ, այլ նաև պետական բյուջեով հաստատված կապիտալ ծախսերի 31,7 տոկոս թերակատարմամբ, քանի որ ստացվում է, որ պետությունը սուբսիդավորում է գյուղատնտեսական վարկերը, սակայն չի կարողանում ապահովել ոռոգման ջրով, ինչի հետևանքով գյուղացին ունենում է զրո տոկոսով վարկ, սակայն չորացած դաշտեր կամ ցածր բերքատվություն։

Արամ Աճեմյան

Այս բաժնի այլ նորությունները
Ամենաշատ ընթերցվածները
Yandex.Metrica