close
Եղանակը Երևանում
29 Նոյեմբերի 2021
+16°
+27°Ցերեկ
+15°Գիշեր
weather
close
Փոխարժեք
29 Նմբ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Էրդողանի հայտարարության մեջ հստակ արտացոլվում են նախապայմանները․ Տիգրան Աբրահամյան

Քաղաքական

27 Հոկտեմբերի 2021, 15:37
 Էրդողանի հայտարարության մեջ հստակ արտացոլվում են նախապայմանները․ Տիգրան Աբրահամյան

Հայաստանը հետպատերազմյան այսպիսի ծանր ժամանակահատվածում նման լուրջ պրոցեսի մեջ մտնելու և շահած դուրս գալու հնարավորություն չունի։ Սահմանազատման գործընթացն ինչ-որ փուլում պետք է լինի, բայց այս հարցում չպետք է լինի շտապողականություն․ լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։

Գործող իշխանությունը, պատգամավորի խոսքով, սահմանազատման գործընթացում որպես հիմք է ընդունում խորհրդային քարտեզներն ու անընդհատ հղում անում դրանց, այնինչ՝ սովետական ժամանակաշրջանում տեղի ունեցած վարչական փոփոխությունները միջազգային իրավունքի առումով պարտադիր չեն մեզ համար։  

«Սովետական ժամանակաշրջանում Հայաստանին և Ադրբեջանին վերաբերող այդ փոփոխությունները եղել են Հայաստանի, Ադրբեջանի և Խորհրդային միության սահմանադրության խախտումներով։ Սրանից բացի, մենք գտնում ենք, որ ի սկզբանե հայտարարելը սովետական քարտեզներով առաջնորդվելու մասին նեղացնում է մեր բանակցային հնարավորությունները։ Մենք ասում ենք նաև հետևյալը. որպես բանակցությունների նյութ՝ քարտեզները կարելի է հաշվի առնել, բայց ամբողջության մեջ միայն այդ քարտեզների վրա հիմնվելը չի բխում ՀՀ և Արցախի շահերից», - շեշտեց պատգամավորը։ 

Նա հավելեց, որ սահմանազատման գործընթացը ենթադրում է բանակցությունների ծանր փուլ ընդգրկող երկար տարիներ, ինչպես նաև հայկական կողմի համար շահեկան գործիքակազմի առկայություն, այնինչ՝ գործող իշխանությունը դրա հնարավորությունը չի ստեղծել։

«Իշխանությունը, ի սկզբանե հայտարարելով «ադրբեջանական անկլավների» մասին, տարբեր բնակավայրերի ադրբեջանական տեղանուններ տալով, նեղացրել է մեր բանակցային հնարավորությունները և մեկնարկային փուլում Հայաստանին բավականին վատ դրության մեջ գցել»,- ասաց Աբրահամյանը։

Նա ընդգծեց՝ դելիմիտացիայի գործընթացը նաև մասնագիտական խոր քննարկումներ է ենթադրում, ինչը ևս չի իրականացվել։

Երկրաշարժ Վրաստանում
28 Նոյեմբերի 2021, 12:35 Երկրաշարժ Վրաստանում

Այս բաժնի այլ նորությունները
Ամենաշատ ընթերցվածները
Yandex.Metrica