close
Եղանակը Երևանում
29 Նոյեմբերի 2021
+16°
+27°Ցերեկ
+15°Գիշեր
weather
close
Փոխարժեք
29 Նմբ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի խորհրդարանը երկարաձգել է Սիրիայում, Իրաքում և Լիբանանում ռազմական գործողությունների մանդատը

Տարածաշրջան

27 Հոկտեմբերի 2021, 14:32
 Թուրքիայի խորհրդարանը երկարաձգել է Սիրիայում, Իրաքում և Լիբանանում ռազմական գործողությունների մանդատը

Թուրքիայի Ազգային մեծ ժողովը հավանություն է տվել կառավարության խնդրանքին՝ երկու տարով երկարաձգել հանրապետության զինված ուժերի լիազորությունները Սիրիայում և Իրաքում «անդրսահմանային հակաահաբեկչական գործողություններ» իրականացնելու համար։

Իշխող «Արդարություն և զարգացում» (AKP), «Ազգայնական շարժում» կուսակցությունը (MHP) և «Լավ» կուսակցությունը (IYI Parti) կողմ են արտահայտվել առաջարկին, իսկ Հանրապետական-ժողովրդական կուսակցությունը (CHP) և Ժողովրդադեմոկրատական կուսակցությունը (HDP) դեմ են քվեարկել։

Թուրքիայի նախագահ Ռեջեփ Թայիփ Էրդողանի կառավարության կողմից խորհրդարան ուղարկված օրինագիծը թուրք զինվորականներին թույլ է տալիս ևս երկու տարի՝ մինչև 2023 թվականի հոկտեմբերի 30-ը, օկուպացիոն գործողություններ իրականացնել հարևան Իրաքի և Սիրիայի հյուսիսային շրջաններում։

Փաստաթղթում ասվում է, որ Թուրքիայի հարավային ցամաքային սահմանների երկայնքով շարունակվող հակամարտություններից բխող ռիսկերն ու սպառնալիքները շարունակում են աճել։

«Թուրքիան մեծ նշանակություն է տալիս Իրաքի տարածքային ամբողջականության, ազգային միասնության և կայունության պաշտպանությանը։ Սակայն PKK և ԻՊ ահաբեկչական կազմակերպությունների ներկայությունն Իրաքում ուղղակի սպառնալիք է մեր երկրի տարածաշրջանային խաղաղության, կայունության և անվտանգության համար»,- ասվում է օրենքի նախագծում։

Օրինագիծը նաև մատնանշում է Սիրիայում PKK/YPG ահաբեկչական կազմակերպության գործունեությունը։

Ինչ վերաբերում է Սիրիայի Իդլիբ նահանգում տիրող իրավիճակին, նշվել է, որ Աստանայի գործընթացի արդյունքում հաստատված խաղաղությունն ու կայունությունը դեռևս փլուզման սպառնալիքի տակ են։

Բացի դրանից՝ Թուրքիայի խորհրդարանն այսօրվա նիստում երկարաձգել է Լիբանանում ՄԱԿ-ի ժամանակավոր ուժերի առաքելությանը զինվորականների մասնակցության մանդատը։


Երկրաշարժ Վրաստանում
28 Նոյեմբերի 2021, 12:35 Երկրաշարժ Վրաստանում

Այս բաժնի այլ նորությունները
Ամենաշատ ընթերցվածները
Yandex.Metrica