close
Եղանակը Երևանում
28 Նոյեմբերի 2021
+16°
+27°Ցերեկ
+15°Գիշեր
weather
close
Փոխարժեք
28 Նմբ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ադրբեջանը գերիների հարցը փորձում է օգտագործել Հայաստանից նոր զիջումներ կորզելու համար․ Տիգրան Աբրահամյան

Քաղաքական

22 Հոկտեմբերի 2021, 14:43
 Ադրբեջանը գերիների հարցը փորձում է օգտագործել Հայաստանից նոր զիջումներ կորզելու համար․ Տիգրան Աբրահամյան

Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանի դիտարկմամբ՝ գերիների հարցը Ադրբեջանը շահարկման առարկա է դարձրել։

«Ադրբեջանը գերիների հարցը փորձում է օգտագործել Հայաստանից նոր զիջումներ կորզելու համար»,- լրագրողներին ասաց պատգամավորը։

Նա ընդգծեց՝ իշխանության պահվածքի ու իրավիճակին ոչ ադեկվատ քայլեր ձեռնարկելու արդյունքում Ադրբեջանը հնարավորություն է ստացել թեման շահարկելու, Հայաստանի առաջ նոր պահանջներ դնելու ու այդ պահանջները ստանալու համար։ 

«Ցանկացած դեպքում ռազմագերիների հարցը քննարկելիս պետք է հաշվի առնենք՝ Հայաստանը ժամկետային ամրագրում չի դրել նոյեմբերի 9-ի փաստաթղթում, դա այն եզակի դրույթներից էր, որը բարենպաստ էր մեզ համար ու, ի տարբերություն Քարվաճառի, Քաշաթաղի կամ Ակնայի շրջանի հանձնման, որտեղ հստակ ժամկետներ էինր դրված, գերիների վերադարձի հարցում որևէ ժամկետ սահմանված չէր»,- ասաց Աբրահամյանը։

Պատգամավորի խոսքով՝ սա խոսում է ոչ միայն այս իշխանությունների՝ մարդկային ճակատագրերի նկատմամբ ունեցած վերաբերմունքի մասին, այլև ևս մեկ անգամ հուշում է՝ այսօր կամ վաղը ցանկացած գործընթացից նպաստավոր դուրս գալու որևէ հնարավորություն չկա, եթե Հայաստանը ներկայացնում են այս նույն մարդիկ։

«Իմ տպավորությամբ՝ գերիների վերադարձի հարցով գլխավոր շահագրգիռ կողմը Ռուսաստանն է։ Ադրբեջանը հայտարարում է, որ ինքն այլևս չունի գերի, որոնք վերադարձման ենթակա են, սակայն այդ հայտարարությունից հետո մեր մի խումբ հայրենակիցներ վերադարձել են, ու հույս ունենանք, որ Ռուսաստանի քաղաքականությունը մեր տարածաշրջանում շատ ավելի ներդաշնակ կլինի մեր շահերի հետ, ինչի արդյունքում գոնե այս իշխանության տոտալ բացակայության պայմաններում հնարավորություն կստանանք մեր հայրենակիցներին վերադարձնելու հայրենիք»,-ասաց Տիգրան Աբրահամյանը։

Երկրաշարժ Վրաստանում
28 Նոյեմբերի 2021, 12:35 Երկրաշարժ Վրաստանում

Այս բաժնի այլ նորությունները
Ամենաշատ ընթերցվածները
Yandex.Metrica