close
Եղանակը Երևանում
28 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
28 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԵԱՀԿ Մինսկի խմբի համանախագահները հանդես են եկել հայտարարությամբ Միրզոյան-Բայրամով հանդիպումից հետո

Քաղաքական

25 Սեպտեմբերի 2021, 13:02
 ԵԱՀԿ Մինսկի խմբի համանախագահները հանդես են եկել հայտարարությամբ Միրզոյան-Բայրամով հանդիպումից հետո

Ղարաբաղյան կարգավորման հարցով ԵԱՀԿ Մինսկի խմբի համանախագահներ Իգոր Խովաևը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) տարածված հայտարարության մեջ հաղորդել են Հայաստանի և Ադրբեջանի արտգործնախարարների առաջին հանդիպման մասին 2020 թվականի նոյեմբերից ի վեր, որն անցկացվել է Նյու Յորքում ՄԱԿ-ի Գլխավոր ասամբլեայի 76 -րդ նստաշրջանի շրջանակներում:

«Համանախագահները առանձին հանդիպումներ են ունեցել Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ, ինչպես նաև երկու նախարարների համատեղ հանդիպում... Համանախագահները ողջունում են 2020 թ. նոյեմբերից այս կողմ ԱԳՆ ղեկավարների առաջին հանդիպումը` որպես վճռականություն՝ վերսկսել խաղաղ գործընթացը ուղիղ երկխոսության միջոցով՝ տարածաշրջանում անվտանգության, կայունության և բարգավաճման ապահովման համար»,-ասել են միջնորդները:

Նշվում է, որ «համանախագահները, իրենց լիազորությունների համաձայն, հաստատում են իրենց հանձնառությունը` շարունակել աշխատանքը կողմերի հետ` ԼՂ հակամարտության հետ կապված կամ դրանից բխող մնացած բոլոր հարցերի համապարփակ լուծումներ գտնելու համար»:

Հայտարարության մեջ միջնորդներն առաջարկել են իրավիճակի թուլացմանն ուղղված հատուկ նպատակային միջոցառումներ և հնարավոր հաջորդ քայլերը: Նրանք հանդիպել են ՄԱԿ-ի գլխավոր քարտուղարի քաղաքական հարցերով տեղակալ Ռոզմարի Դիկարլոյի և ԵԱՀԿ գործող նախագահ, Շվեդիայի արտգործնախարար Էն Լինդեի հետ` վերջին մեկ տարվա իրենց ջանքերի և վերջին զարգացումների մասին տեղեկացնելու համար: Հանդիպմանը ներկա է եղել ԵԱՀԿ գործող նախագահի անձնական ներկայացուցիչ Անջեյ Կասպրշիկը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica