close
Եղանակը Երևանում
22 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
22 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ես որևէ առնչություն չունեմ հայրիկիս՝ Լոռու մարզի դատարանի նախագահի պաշտոնում նշանակվելու հետ. Գևորգ Բաղդասարյան

Հասարակություն

3 Օգոստոսի 2021, 18:45
 Ես որևէ առնչություն չունեմ հայրիկիս՝ Լոռու մարզի դատարանի նախագահի պաշտոնում նշանակվելու հետ. Գևորգ Բաղդասարյան

Ես որևէ առնչություն չունեմ հայրիկիս՝ դատարանի նախագահի պաշտոնում նշանակվելու հետ։ Որևէ առնչություն չունեմ և չեմ կարող ունենալ։ Այս մասին լրագրողների հետ ճեպազրույցում ասաց ՀՀ գլխավոր դատախազի տեղակալ Գևորգ Բաղդասարյանը՝ պատասխանելով հարցին, թե ինչո՞վ է պայմանավորված իրենց ընտանիքի առաջխաղացումը՝ հորը՝ Սուրեն Բաղդասարյանին Լոռու մարզի ընդհանուր իրավասության դատարանի նախագահի պաշտոնում նշանակվելը և այս տարիների ընթացքում իր՝ Գևորգ Բաղդասարյանի առաջխաղացումը։

Հարցին՝ արդյո՞ք այդ առաջխաղացումների հիմքում ընկած է դատախազի էնտուզիազմը, նվիրումը դատական գործընթացներին, որոնք ՀՀ վարչապետ Նիկոլ Փաշինյանի համար խիստ էական են (մասնավորապես, ՀՀ երկրորդ նախագահին առնչվող գործով), Բաղդասարյանն արձագանքեց, թե ինքն էնտուզիազմ և նվիրում ունի իր աշխատանքի նկատմամբ, նույն էնտուզիազմով ներկայացել է բոլոր դատական նիստերին։

«Եթե որևէ մեկը կարող է նայել աչքերիս մեջ և հերքել, ցանկացածը, որն առնչվել է իմ աշխատանքի հետ, առաջարկում եմ՝ հրապարակային հայտարարություն անի։ Ես ամենաերկարն աշխատել եմ որպես Երևան քաղաքի դատախազ, հետևաբար, մեկնաբանությունները, թե սույն գործով ներգրավվելուց հետո է առաջխաղացում եղել, ճիշտ չէ»,-ասաց նա։

Անդրադառնալով Սուրեն Բաղդասարյանի՝ դատարանի նախագահի պաշտոնում նշանակվելու վերաբերյալ հարցին, Գևորգ Բաղդասարյանը նշեց, որ տրամաբանությունից դուրս է, որ գլխավոր դատախազի տեղակալը որևէ ազդեցություն կարող է ունենալ դատարանի նախագահի ընտրության հարցում, որովհետև դատարանի նախագահ ընտրվում է ԲԴԽ-ի կողմից, և ինքը որևէ կապ ունենալ չի կարող։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica