close
Եղանակը Երևանում
10 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
10 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Քաղաքական հիմքը գործեց ԱԺ-ում․ Վճռաբեկի դատավորի թեկնածու

Քաղաքական

4 Մարտի 2021, 15:42
 ՏԵՍԱՆՅՈՒԹ․ Քաղաքական հիմքը գործեց ԱԺ-ում․ Վճռաբեկի դատավորի թեկնածու

Մենք գործ ունեն փաստի հետ, որ քաղաքական հիմքը գործեց ԱԺ-ում՝ ըստ Yerkir.am-ի ասաց Վճռաբեկ դատարանի դատավորի թեկնածու Արսեն Մկրտչյանը ԱԺ-ում՝ լրագրողների հետ զրույցում։

«Ես ցավում եմ, որ մեր թեկնածության շրջանակում Աժ-ում նման քննարկումներ տեղի ունեցան, բայց, միևնույն ժամանակ, հասկանում եմ, որ տեղի են ունեցել զարգացումներ, որոնք ունեն հետևանքներ՝ միգուցե նաև քաղաքական իմաստով»,- ասաց նա։

ԲԴԽ նախագահ Ռուբեն Վարդազարյանի՝ նոյեմբերի 15-ի հայտարարությունը որևէ ձևով մեկնաբանել նա հրաժարվեց, քանի որ, նրա խոսքով, այդ հայտարարությունը շատ խիստ քննադատվել է այս քանի օրերի ընթացքում։

«Ես ինքս քաղաքական զսպվածություն դրսևորելու պարտականություն ունեմ, և որևէ կերպ չեմ անդրադառնա այդ հարցին»,- ասաց նա։

Արսեն Մկրտչյանը համոզված է, որ թեկնածուներին պետք է ընտրեն օբյեկտիվ հիմքերի վրա, և ոչ քաղաքական դրդապատճառներից ելնելով։

«Բայց ԱԺ-ն քաղաքական մարմին է, և մենք գործ ունեն փաստի հետ, որ քաղաքական հիմքը գործեց ԱԺ-ում»,- ասաց նա։

Մամուլի հրապարակումները, թե Արսեն  Մկրտչյանը հանդիպել է Նիկոլ Փաշինյանին, թեկնածուն հերքեց՝ չի եղել նման բան։

«Իշխանության ներկայացուցիչներին էլ հանդիպել եմ խորհրդարանում, այս հանդիպումների շրջանակում»,- ասաց նա։

Նշենք, որ «Իմ քայլը» հայտարարել է, որ Վճռաբեկ դատարանի դատավորի ընտրությանը այսօր չի քվեարկի, քանի որ ցանկանում է այդպիսով իր բացասական վերաբերմունքը հայտնել ԲԴԽ նախագահ Ռուբեն Վարդազարյանին։ Եվ այժմ Ազգային ժողովում ընթանում է Վճռաբեկ դատարանի դատավորի ընտրության հարցով նախապես ձախողված քվեարկությունը: Թեկնածուները երկուսն են՝ Արմեն Հայկյանցը եւ Արսեն Մկրտչյանը: Սամվել Գրիգորյանն ավելի վաղ ինքնաբացարկ է հայտնել:

Մանրամասն՝ տեսանյութում․ 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica