close
Եղանակը Երևանում
11 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
11 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բռնությունն անթույլատրելի է․ ցանկացած բախման պատասխանատուն իշխանությունն է․ Վանեցյան

Քաղաքական

28 Փետրվարի 2021, 15:42
 Բռնությունն անթույլատրելի է․ ցանկացած բախման պատասխանատուն իշխանությունն է․ Վանեցյան

Հավաքվել են պահեստազորի գեներալներ, սպաներ, Ազգային անվտանգության, Ոստիկանության քննչական, մաքսային, հարկային մարմիններից, բոլորն իրենց մտահոգություն են հայտնում երկրում ստեղծված իրավիճակի հետ կապված և եկել են այստեղ քննարկելու և միասին հասկանալու իրենց մասնակցությունը ճգնաժամից դուրս գալու համար: Այս մասին Բաղրամյան պողոտայում լրագրողների հետ զրույցում ասաց «Հայրենիք» կուսակցության նախագահ Արթուր Վանեցյանը:

Հարցին, թե ի՞նչ որոշում է կայացվել, Վանեցյանն ասաց, որ քննարկումը դեռ շարունակվում է. «Կա ֆիքսված փաստ, որ երկրում ճգնաժամ է, և բոլորս մեր ուժերը, փորձը, հեղինակությունը պետք է գործադրենք՝ այս իրավիճակից անցնցում դուրս գալու համար»:

Անդրադառնալով նրան, որ ՀՀ նախագահ Արմեն Սարգսյանը չստորագրեց ԳՇ պետին պաշտոնից ազատելու վերաբերյալ Նիկոլ Փաշինյանի հրամանը և այն վերադարձրեց, Վանեցյանն ասաց, թե դա նշանակում է, որ նախագահն օգտագործեց իր սահմանադրական լիազորությունները և որպես Սահմանադրության պահպանող այն իրականացրեց, ինչը շատ ողջունելի է:

Հարցին, թե վաղը մարտի 1-ն է, Նիկոլ Փաշինյանը հանրահավաք և երթ է հրավիրել, արդյոք հնարավոր են բախումներ, Վանեցյանը ասաց, որ հնարավոր բախման թիվ մեկ պատասխանատուն իշխանություններն են և նրանք պետք է ամեն ինչ անեն, որ ՀՀ- ում ներքին բախումներ չլինեն:

«Իշխանությունները պետք է հասկանան, որ երկրում ստեղծված է ոչ նորմալ վիճակ, երկու կողմերը շատ հուզված են և նյարդայնացած, և պետք է ամեն ինչ անել, որ ողջ գործընթացում բռնությունը բացառեն, բռնությունն անթույլատրելի է»,-ասաց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica