close
Եղանակը Երևանում
11 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
11 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ողջ Թուրքիան՝ ընդդիմությունից իշխանություն, միավորվել և աջակցություն է հայտնել Նիկոլ Փաշինյանին

Տարածաշրջան

26 Փետրվարի 2021, 11:30
 Ողջ Թուրքիան՝ ընդդիմությունից իշխանություն, միավորվել և աջակցություն է հայտնել Նիկոլ Փաշինյանին

Արդեն նշել ենք, որ ՀՀ ԶՈՒ ԳՇ–ի՝ կառավարությանն ուղղված նամակին առաջիններից արձագանքել էր Թուրքիայի արտգործնախարար Մևլյութ Չավուշօղլուն՝ դատապարտելով «ռազմական հեղաշրջման փորձը»։

Բացի այդ՝ իշխող «Արդարություն և զարգացում» կուսակցության (ԱԶԿ) խոսնակ Օմեր Չելիքն ասել էր, որ Թուրքիան դեմ է հարևան երկրում ռազմական հեղաշրջմանը:

«Ինչպես միշտ, մենք դեմ ենք ցանկացած հեղաշրջման փորձի: Հայաստանում պետական հեղաշրջման փորձը կհանգեցնի արդյունքների, որոնք տարածաշրջանում անկայունություն կառաջացնեն»,- ասել է նա:

Քրդամետ ընդդիմադիր Ժողովուրդների ժողովրդավարական կուսակցության (HDP) պատգամավոր Կարո Փայլանը նույնպես դատապարտել էր հեղաշրջման փորձը: «Ես կոչ եմ անում Հայաստանի ժողովրդին՝ պաշտպանել ժողովրդավարությունը»,- ասել էր նա:

Մտահոգություն է հայտնել և դատապարտել հիմնական ընդդիմադիր, քեմալական Հանրապետական ժողովրդական կուսակցության (CHP) փոխնախագահ Օզգյուր Օզելը:

«Մենք դատապարտում ենք ընտրված կառավարության դեմ պետական հեղաշրջման փորձը: Մենք միշտ կանգնած ենք ժողովրդավարության կողքին, ինչպես մեր երկրում, այնպես էլ աշխարհի ցանկացած այլ վայրում»,- հավելել է Օզելը:

Միևնույն ժամանակ, լրագրող և CHP նախկին պատգամավոր Մելդա Օնուրը մատնանշել է իշխանամետ և պաշտոնական պետական լրատվամիջոցների վաղ արձագանքը, որոնք զգուշորեն էին լուսաբանում Հայաստանում տեղի ունեցող իրադարձությունները:

«Երբ խոսքը գնում է Հայաստանի մասին, ես վախով եմ նայում, որ քծնողները չեն կարող կատարվածը որակել պետական հեղաշրջման փորձ: Հետաքրքիր է, թե ինչ կասի Ալթունը (Ֆահրեթթին Ալթուն–նախագահականի հասարակայնության բաժնի ղեկավար)»,- հավելել է Օնուրը:

Ալթունն արձագանքել է Հայաստանում տեղի ունեցող իրադարձություններին: «Մենք զարգացող իրավիճակը գնահատում ենք որպես պետական հեղաշրջման փորձ և դատապարտում այն անվերապահորեն: Թուրքիան միշտ հանդես է գալիս ժողովրդավարության և քաղաքացիների ազատ կամքի օգտին, որտեղ էլ որ նրանք հարձակման ենթարկվեն աշխարհում»,- գրել է Ալթունն իր Twitter-ում:

Հայաստանի ներքաղաքական իրավիճակին էր անդրադարձել նաև Էրդողանի խորհրդական Իբրահիմ Քալընը՝ նմանատիպ հայտարարություններ անելով։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica