close
Եղանակը Երևանում
15 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
15 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Այս ամենը նշանակում է, որ իշխանությունը հոգեվարքի մեջ է. Միքայել Մելքումյան

Քաղաքական

25 Փետրվարի 2021, 19:06
 Այս ամենը նշանակում է, որ իշխանությունը հոգեվարքի մեջ է. Միքայել Մելքումյան

ԱԺ «Բարգավաճ Հայաստան» խմբակցության պատգամավոր Միքայել Մելքումյանի խոսքով՝ երկրում ստեղծվել է այնպիսի իրավիճակ, որը պահանջում է հանգուցալուծում, դրա համար էլ ԼՀԿ-ի հետ միասին նախաձեռնել էին ԱԺ արտահերթ նիստ անցկացնել։

«Մենք նախաձեռնել էինք արտահերթ նիստ հետևյալ օրակարգով՝ ռազմական դրության չեղարկում և ստեղծված իրավիճակի քննարկում։ Այսինքն՝ մենք՝ որպես պատգամավորներ, պետք է մեր գնահատականը տանք ստեղծված իրավիճակին, հաշվի առնելով, որ մենք խորհրդարանական երկիր ենք։ Երբ առաջացել է ճգնաժամի վերջնական պիկը, մենք պարտավոր ենք։ Փաստաթղթերը ժամանակին ուղարկվել են ԱԺ քարտուղարություն, որևէ արձագանք չի եղել, մենք եկանք խորհրդի նիստ անելու, սակայն դուռը փակ է ։ Դրան զուգահեռ՝ Ազատության հրապարակից այստեղ բազմաթիվ մարդիկ են եկել։ Այս ամենը նշանակում է, որ իշխանությունը հոգեվարքի մեջ է»,- խորհրդարանում լրագրողների հետ զրույցում ասաց Միքայել Մելքումյանը։

 Նա տեղեկացրեց, որ ընդդիմադիր քաղաքական ուժերն արդեն հայտարարել են, որ այսօր վճռական օր է լինելու։ Թե ինչ պետք է անեն, Միքայել Մելքումյանը չմանրամասնեց։

«Կարծում եմ՝ ժողովուրդը հրապարակից չի հեռանա, հիմնականում կմնանք և կսպասենք դեպքերի ընթացքին, որովհետև այս պահին, երբ մենք խոսում ենք, նաև բազմաթիվ այլ կառույցների ներկայացուցիչներ միանում են հրաժարականի պահանջին։ Դեպքերը պետք է իրենց հանգուցալուծումը ստանան, եթե երկիրը մի քանի օր էլ այս վիճակում մնա, դա նշանակում է, որ մենք պետականություն ենք կորցնում»,- հավելեց պատգամավորը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica