close
Եղանակը Երևանում
25 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
25 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Մենք Նիկոլին չենք լիազորել ստորագրել այն, ինչ ստորագրում է․ Ռուսաստանի հայ համայնքը բողոքում է

Քաղաքական

11 Հունվարի 2021, 17:45
 ՏԵՍԱՆՅՈՒԹ․ Մենք Նիկոլին չենք լիազորել ստորագրել այն, ինչ ստորագրում է․ Ռուսաստանի հայ համայնքը բողոքում է

Մենք հայ ժողովուրդն ենք և նրան չեն լիազորել ստորագրել այն, ինչ ստորագրում է՝ ըստ Yerkir.am-ի հայտարարեց Ռուսաստանի Դաշնությունում Հայաստանի Հանրապետության դեսպանատան առջև բողոքի ակցիա իրականացնող քաղաքացիներից մեկը։

Ցուցարարների փակցրած պաստառներին «դավաճան», «հողատու» և նման արտահայտություններ են՝ ուղղված Նիկոլ Փաշինյանին։

«Սա բողոքի ակցիա է Փաշինյանի՝ անհասկանալի փաստաթղթեր ստորագրելու դեմ․ ոչ  մեկը չգիտի՝ ինչ փաստաթղթեր է նա ստորագրելու, մենք տեղեկատվություն ստանալու իրավունք ունենք։ Բոլորն ասում են՝ իմանանք էլ, միևնույն է ստորագրելու է, բայց մենք եկել ենք մեր քաղաքացիական դիրքորոշումը արտահայտելու, ասելու, որ մենք ենք ժողովուրդը և դեմ ենք Փաշինյանին։ Մենք անպայման կվերադարձնենք այն, ինչ կորցրել ենք, ոգով կհառնենք և կվերադարձնենք»,-ասաց բողոքի ակցիայի մասնակիցը։

Նա նշեց, որ ճանապարհ չեն փակել, կոչ են արել բոլորին՝ ապաշրջափակել ճանապարհը, պարզապես գալ, ստորագրել իրենց պահանջի տակ և գնալ։ Եղել են նաև սադրանքներ։

Ակցիայի մեկ այլ մասնակից ասաց, որ պաստառի վրա ինքը գրել է «դավաճան Նիկոլ»։

«Հավաքվել ենք, որ այդ դավաճանը նորից մի հիմարություն չստորագրի։ Ի՞նչ խաղաղ օրակարգի մասին է խոսքը, եթե Ալիևը օր-օրի թքում-մրում է, օր-օրի հողերը տալիս են, Արցախից բան չի մնացել ի՞նչ խաղաղ օրակարգի մասին է խոսքը»,-նշեց նա՝ համարելով որ այդ ամենը մանիպուլյացիա է։

Նրանք կոչ արեցին՝ մինչև Ադրբեջանը եռակողմ հայտարարության 8-րդ կետը չկատարի՝ գերիների և զոհերի մարմինների վերադարձի մասին, ոչ մի այլ կետ չիրագործել՝ ճանապարհների բացման և այլն։  

«Գերիների հարցը չպետք է կապեին տարածքի հարցի հետ, գերիների հարցը պետք է առանձին՝ հայտարարության 8-րդ կետի համաձայն արդեն լուծած լինեին»,-ասաց ցուցարարը։

Ակցիայի մասնակիցները նաև ասացին, որ իրենք պահանջում են Փաշինյանի հրաժարականը։

Ավելի վաղ ակցիայի մասին խոսել էր Հայ դատի Մոսկվայի գրասենյակի ղեկավար, ՀՅԴ անդամ Ներսես Ներսեսյանը։

Մանրամասն՝ տեսանյութում․ 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica